CONVOCATORIAS |
|
Convocatoria EUREKA bilateral España – Alemaña |
|
Nova convocatoria conxunta para a presentación de propostas de cooperación tecnolóxica co obxectivo de promover e financiar proxectos conxuntos de entidades empresariais españolas e alemanas. O resultado dos proxectos debe ser un produto, proceso ou servizo innovador orientado ao mercado e consecuencia da cooperación tecnolóxica. O consorcio debe estar formado, como mínimo, por unha empresa española e unha alemana independentes e o proxecto debe ser relevante para todos os socios (ningún país ou membro do consorcio debe ter máis do 70% do orzamento). Permítese calquera área tecnolóxica e de aplicación a calquera sector do mercado.
|
|
Data de peche: 11 de xaneiro de 2019.
|
|
Máis información
|
|
Novena convocatoria Clean Sky 2 |
|
A iniciativa público-privada Clean Sky 2, enfocada ao desenvolvemento de tecnoloxías e demostradores que darán paso ás aeronaves do futuro máis eficientes e sostibles, vén de abrir a súa novena convocatoria na que tamén poden participar entidades que non sexan membros da asociación. Esta convocatoria conta cun orzamento de 69,1 millón de euros para 55 topics que están incluídos nas 4 áreas temáticas.
|
|
Data de peche: 6 de febreiro de 2019.
|
|
Máis información
|
|
|
Segunda convocatoria QuantERA |
|
No marco da rede europea de investigación QuantERA, España participa, a través da Axencia Estatal de Investigación, na convocatoria de proxectos de investigación transnacionais sobre tecnoloxías cuánticas. As temáticas que se contemplan son as seguintes: comunicación cuántica, simulación cuántica, computación cuántica, ciencias de información cuántica e detección de metroloxía cuántica e imaxes.
|
|
Data de peche: 18 de febreiro de 2019.
|
|
Máis información
|
|
Convocatoria FLAG-ERA 2019 |
|
España, a través do Instituto de Saúde Carlos III, o IDEPA e a Axencia Estatal de Investigación, participa cun orzamento de 1,4 millóns de euros na convocatoria de proxectos de investigación transnacionais da ERANET Cofund FLAG-ERA. Esta rede ten como obxectivo contribuír ao desenvolvemento das dúas iniciativas emblemáticas de Tecnoloxías Emerxentes de Futuro, o Grafeno e o Human Brain Project (HBP). A convocatoria cubre varias áreas específicas de investigación (20 áreas no Grafeno e 12 no HBP).
|
|
Data límite (envío pre-propostas): 19 de febreiro de 2019.
|
|
Máis información
|
|
Convocatoria Horizon 2020 nas áreas de migración e transformación socioeconomica e cultural |
|
No contexto da cuarta revolución industrial e a gobernanza para o futuro, lanzouse unha convocatoria interesante nas áreas de migracion e tranformación socioeconómica e cultural. A través das seguintes ligazóns pódese acceder aos detalles dos topics abertos:
- DT-MIGRATION-06-2018-2019: Addressing the challenge of migrant integration through ICT-enabled solutions
- DT-TRANSFORMATIONS-02-2018-2019-2020: Transformative impact of disruptive technologies in public services
- DT-GOVERNANCE-05-2018-2019-2020: New forms of delivering public goods and inclusive public services
|
|
Data de peche: 13-14 de marzo de 2019.
|
|
EVENTOS |
|
Health Tech Hub Styria Pitch & Partner 2019 |
|
Graz, 15 xaneiro 2019 |
|
ECSEL Info day & ECS Brokerage Event |
|
Bruxelas, 15-16 xaneiro 2019 |
|
The Unmanned Systems Expo Europe Matchmaking 2019 |
|
Rotterdam, 17-18 xaneiro 2019 |
|
Infoday for the photonics 2019 calls |
|
Bruxelas, 18 xaneiro 2019 |
|
Horizon 2020 Energy Efficiency Info Day |
|
Bruxelas, 19 xaneiro 2019 |
|
The 1st EU-Japan Nanotech Matchmaking Event |
|
Miyagi, 29 xaneiro 2019 |
|
NANOTECH CLUSTER SME MISSION |
|
Tokio, 29 xaneiro – 1 febreiro 2019 |
|
AgeingFit – Accelerating innovation for the senior care market |
|
Lille, 29-30 xaneiro 2019 |
|
|
|
|
NOVAS |
|
Galicia incorpórase por primeira vez a dous Consorcios Europeos para as Infraestruturas de Investigación |
|
A través de dous convenios de colaboración vaise facilitar a participación por primeira vez en dous Consorcios Europeos para as Infraestruturas de Investigación por un valor aproximado de 560.000 euros, dos que a Xunta achegará a metade. A Universidade de Vigo participará no consorcio europeo Embrc centrado na bioloxía e economía mariña co proxecto da Estación de Ciencias Mariñas de Toralla, única a nivel mundial para investigar en acuicultura sobre os efectos do cambio climático. A Universidade de Santiago de Compostela participará no consorcio Openscreen a través da plataforma Innopharma, liderada polos doutores Ángel Carracedo e Mabel Loza, para o descubrimento temperá de fármacos.
|
|
Máis información |
|
10ª Conferencia do Programa Marco de Investigación e Innovación |
|
O 20 de novembro celebrouse esta conferencia organizada polo CDTI e a Comisión Europea en Toledo. O relatorio principal foi realizado pola Directora Xeral Adxunta da D.G. Investigación e Innovación da Comisión Europea, quen informou sobre o Estado actual do programa Horizon 2020 e do futuro programa Horizon Europe.
Por outra parte, o Director de Programas da UE e Cooperación Territorial do CDTI foi o encargado de presentar os bos Resultados da participación española no Horizon 2020, cun importante incremento do retorno (10,1%) e do liderado de proxectos (15,8%). Con respecto ás Comunidades Autónomas, Cataluña ocupa a primeira posición. Pódese acceder á gravación (sen editar) do evento a través do canal de YouTube do CDTI.
|
|
Máis información |
|
AIMEN lidera o seu maior proxecto europeo de impresión 3D de compoñentes metálicos na industria |
|
O proxecto Integradde (Intelligent data-driven pipeline for the manufacturing of certified metal parts through Direct Energy Deposition processes), cofinanciado por Horizon 2020, conta cun orzamento de case 17 millóns de euros. INTEGRADDE busca a aplicación real da fabricación aditiva (impresión 3D) no contorno industrial europeo. Coa participación de 26 socios de 11 países, este proxecto porá o seu foco en pezas metálicas de tamaño medio/grande de sectores como o aeronáutico, automoción, metalmecánico ou a construción civil.
|
|
Máis información |
|
Resultados convocatoria FETOPEN do corte de maio de 2018 |
|
Os resultados do último corte de FETOPEN foron moi satisfactorios para as entidades españolas que se sitúan en terceira posición en cifras de retorno (14,36% UE - 28,110 millóns de euros) e segundas en participación en propostas financiadas. Propuxéronse financiar 38 propostas das que 7 están coordinados dende España.
FET Open apoia a investigación de alto risco en etapas iniciais sobre novas ideas para tecnoloxías de futuro radicalmente novas. Explora unha ampla gama de posibilidades tecnolóxicas novas e disruptivas en todas as áreas da ciencia e da tecnoloxía. Este esquema é moi popular na comunidade de investigación. O folleto informativo FET Open 2014-2017- State of play ofrece unha análise e información sobre tendencias en canto á participación, campos científicos cubertos así como aspectos relacionados coa innovación.
|
|
Máis información |
|
Xornada informativa convocatoria Accións MSCA ITN 2019 |
|
Xa se poden descargar as presentacións do evento celebrado en Madrid sobre a Convocatoria de Redes de Formación Innovadoras Marie-Sklodowska-Curie (MSCA ITN 2019) o 15 de novembro de 2018.
|
|
Máis información |
|
Conferencia conxunta do Parlamento Europeo e a Comisión Europea |
|
O 27 de novembro organizouse no Parlamento Europeo unha Conferencia de alto nivel sobre o impacto da investigación e a innovación na nosa vida diaria. Pódese acceder ás distintas presentacións, paneis e conclusións dende as seguintes ligazóns:
- Opening and intro to the Panels
- Press Conf Antonio Tajani and Carlos Moedas
- Panel 1 - Health and wellbeing
- Panel 2 - A sustainable environment
- Panel 3 - Innovation: let’s put research results on the market
- Panel 4 - Safe and secure society for all
- Concluding remarks
|
|
|
|