| CONVOCATORIAS |
|
| IMI ten abertas as súas últimas convocatorias |
|
| A Iniciativa de Medicamentos Innovadores (IMI) lanzou as súas convocatorias finais (22 e 23), con 59 millóns de euros para proxectos de investigación médica en 6 temas: loita contra o cancro mediante intelixencia artificial, creación dunha plataforma para a investigación de enfermidades neurodexenerativas, diagnose de enfermidades raras, resistencia aos antimicrobianos, garantir a devolución dos datos dos ensaios clínicos aos participantes e guiar a adherencia do paciente. A convocatoria 23 é unha convocatoria estándar en dúas fases. Coa convocatoria 22 tratan de brindar un apoio adicional a certos proxectos IMI2 existentes para permitirlles aproveitar os seus logros e maximizar os impactos do seu traballo.
As gravacións e presentacións dos webinars organizados sobre estas convocatorias están dispoñibles na seguinte ligazón
|
|
| Data de peche: 29 de setembro de 2020. |
|
| Máis información |
|
| Convocatoria para formar parte do Consello de administración do EIT |
|
| O Instituto Europeo de Innovación e Tecnoloxía (EIT) abriu unha convocatoria de expresións de interese para cubrir ata 4 postos do seu Consello de administración. Este consello está composto por 12 membros de alto nivel con experiencia nos sectores da educación superior, investigación, innovación e empresa. É o responsable de dirixir as actividades do EIT, de seleccionar, designar e avaliar as Comunidades de Coñecemento e Innovación (KIC) e adoptar calquera outra decisión estratéxica.
|
|
| Data de peche: 30 de setembro de 2020. |
|
| Máis información |
|
| O JRC abre 11 convocatorias para acceso ás súas infraestruturas de investigación nucleares |
|
| O Centro Común de Investigacion Europeo (JRC) abriu varias convocatorias para acceder aos seus laboratorios e instalacións científicas: Laboratory of the Environmental & Mechanical Materials Assessment (EMMA), European research infrastructure for nuclear reaction, radioactivity, radiation and technology studies in science and applications (EUFRAT) e Actinide User Laboratory (ActUsLab). As convocatorias diríxense a usuarios externos de organizacións académicas, de investigación, industria, pemes e a sectores tanto públicos como privados. |
|
| Datas de peche: 30 de setembro e 15 de outubro de 2020. |
|
| Máis información |
|
| EIC Accelerator: Última data de corte |
|
| As empresas europeas altamente innovadoras teñen a última oportunidade de postularse ao Acelerador do Consello Europeo de Innovación (EIC). Este instrumento proporciona subvencións de ata 2,5 millóns e acceso a investidores a través dunha opción de financiamento combinado, para desenvolver e ampliar a súa innovación revolucionaria e impulsar o crecemento económico. |
|
| Data de peche: 7 de outubro de 2020. |
|
| Máis información |
|
| O EIC lanzou oficialmente o seu fondo de investimento para a innovación |
|
| O Consello Europeo de Innovación (EIC) estableceu oficialmente o seu fondo (EIC Fund) para investimentos directos de capital en empresas innovadoras. Proporcionará capital desde 0,5 ata 15 millóns de euros a empresas de innovación de vangarda seleccionadas para o apoio financeiro combinado do Acelerador do EIC. O fondo investirá en empresas emerxentes adquirindo entre o 10 e o 25% das súas participacións durante un tempo limitado ata que interveña o capital privado. Desta maneira, o EIC axudará a encher o baleiro no financiamento de empresas emerxentes na UE asumindo riscos que os investidores privados non están dispostos a aceptar. |
|
| Máis información |
|
| CONSULTAS PÚBLICAS |
|
| A Comisión lanza unha consulta pública sobre o acceso dixital ao patrimonio cultural europeo |
|
| A Comisión abriu unha consulta pública sobre as oportunidades que ofrecen as tecnoloxías dixitais para o sector do patrimonio cultural. Convídase a todas as partes interesadas a proporcionar comentarios sobre a Recomendación de 2011 sobre dixitalización de material cultural e preservación dixital. O obxectivo é propoñer un instrumento político máis apropiado para apoiar a transformación dixital do patrimonio cultural. |
|
| Data de peche: 14 de setembro de 2020. |
|
| Máis información |
|
|
|
|
|
| EVENTOS |
|
| B2B Health Innovation Market 2020 |
|
| Coimbra/Online, 15-17 setembro 2020 |
|
| Future Tech Week 2020 |
|
| Online, 21-25 setembro 2020 |
|
| Smart Agrifood Summit |
|
| Málaga/Online, 24-25 setembro 2020 |
|
| 360 Grand Est - let’s build tomorrow together |
|
| Estrasburgo, 29 setembro 2020 |
|
| European Biotech Week |
|
| 28 setembro-4 outubro 2020 |
|
| AseBio Investor Day 2020 |
|
| Online, 28 setembro-1 outubro 2020 |
|
| CHIST-ERA Conference 2020 |
|
| Online, 29 setembro-1 outubro 2020 |
|
| Paris Cyber Week 2020 |
|
| Online, 30 setembro-1 outubro 2020 |
|
| Technology Forum 2020 – Matchmaking Event |
|
| Tesalónica, 1 outubro 2020 |
|
| HealthTech Innovation Days |
|
| París, 5-6 outubro 2020 |
|
| Photonics Days 2020 Berlin-Brandenburg |
|
| Online, 5-8 outubro 2020 |
|
| European Forum for Industrial Biotech and the Bioeconomy 2020 (EFIB) |
|
| Online, 5-9 outubro 2020 |
|
| European Week of Regions and Cities |
|
| Online, 5-22 outubro 2020 |
|
| VIRTUAL BROKERAGE EVENT @ INNOVATION VILLAGE 2020 |
|
| Online, 7-8 outubro 2020 |
|
| Horizon 2020 Virtual Brokerage Event on the European Green Deal Call |
|
| Online, 13 outubro 2020 |
|
|
| NOVAS |
|
| Resultados participación no Horizon 2020 (2014-2019) |
|
| Os resultados consolidan a España como o 4º país con maior volume de subvención recibida no Horizon 2020. Con respecto á distribución territorial, Galicia ocupa a sétima posición (2,85%), cun retorno de 135,6 millóns de euros. Ata o momento, participaron 132 entidades galegas (84 empresas, 84% PEMEs) en 321 actividades de I+D+i (coordinadas 92). Entre as entidades máis destacadas están: a Universidade de Santiago de Compostela – 69 actividades (coordina 21), AIMEN (38 actividades (coordina 14) e a Universidade de Vigo – 27 actividades (coordina 5).
Segundo os informes do CDTI, a USC está entre as 20 universidades máis destacadas por retorno e como unha das entidades con maior retorno en ERC. Asimesmo, AIMEN tamén se atopa entre os 20 centros tecnolóxicos máis destacados por retorno e como unha das entidades de maior liderado en proxectos e como unha das entidades con maior retorno en NMBP.
|
Resultados por entidades e áreas
Resultados por CCAA |
|
| O Consello Europeo de Investigación (ERC) busca a investigadores/ as e académicos/ as eminentes para formar parte do seu Consello Científico |
|
| Un Comité de Identificación independente creado pola Comisión Europea comezou a busca de posibles candidatos/as para formar parte do Consello Científico, o órgano de gobernanza do Consello Europeo de Investigación (ERC). Acéptanse nomeamentos ata o 30 de setembro de 2020.
|
|
| Máis información |
|
| A Comisión lanza Women4 Cyber, un rexistro de talentos no campo da ciberseguridade |
|
|
| A Comisión, xunto coa iniciativa Women4 Cyber da Organización Europea de Ciberseguridade (ECSO), lanzou o primeiro rexistro en liña de mulleres europeas en ciberseguridade que conectará a grupos de expertos, empresas e responsables políticos con talentos neste campo. O rexistro é unha base de datos de mulleres que teñen experiencia en ciberseguridade, co obxectivo de abordar a crecente demanda de profesionais da ciberseguridade en Europa e a escaseza de talentos neste ámbito. |
|
| Máis información |
|
|
|
|
