CONVOCATORIAS |
|
Convocatoria C-VoUCHER para abordar novos modelos de negocio circulares |
|
C-VoUCHER lanzou a segunda convocatoria do seu programa. Está dirixida a pemes europeas dos sectores saúde, mariño e marítimo, téxtil, agroalimentario e manufactureiro, que estén interesadas en desenvolver plans de viabilidade para transformar as súas cadeas de valor dun modelo lineal a circular. As 24 empresas seleccionadas recibirán 15.000 € para cubrir os custos de participación e terán acceso a un programa de aceleración que inclúe: Asesoramento durante un mes dun experto para o desenvolvemento da fase creativa do plan de viabilidade e Sesións de mentoring para identificar financiamento para o proxecto.
|
|
Data de peche: 30 de outubro de 2020. |
|
Máis información |
|
Convocatoria CHISTERA 2020 – Avance dos temas |
|
A apertura desta convocatoria está prevista para este último trimestre do ano. Os dous temas de investigación a financiar serán:
- Interfaces avanzadas cerebro-computadora para novas interaccións (BCI)
- Cara ás TIC sostibles (S-TIC)
Despois da Conferencia CHIST-ERA 2020 (29 setembro- 1 outubro) integraranse os resultados das discusións levadas a cabo durante o encontro e redactarase o texto definitivo da convocatoria. Na seguinte ligazón están dispoñibles as descricións preliminares.
|
|
Máis información |
|
Visita aos hubs de innovación co Consello Europeo de Innovación |
|
Moitas cidades europeas están a consolidarse como algúns dos centros de novas empresas máis vibrantes que ofrece o mundo. No outono de 2020, o EIC organizará tres visitas virtuais aos hubs de Estocolmo, Barcelona e Berlín, comezando pola capital sueca do 13 ao 14 de outubro.
As solicitudes están abertas a todas as pemes financiadas polo EIC, tanto EIC Accelerator como EIC Pathfinder. A lista final de asistentes establecerase en función da orde de chegada das solicitudes. |
|
Data de peche: 6 de outubro de 2020. |
|
Máis información |
|
Nova convocatoria de ideas para unha Asociación de aviación limpa |
|
Esta convocatoria de Expresións de Ideas está dirixida ás partes interesadas que podan achegar ideas transformadoras no campo da aviación limpa, contribuíndo aos obxectivos do Pacto Verde Europeo. Desta forma, a Comisión Europea espera identificar novas vías tecnolóxicas co maior impacto posible sobre o clima. |
|
Data de peche: 30 de novembro de 2020. |
|
Máis información |
|
CONSULTAS PÚBLICAS |
|
Consulta sobre a gobernanza dos océanos |
|
A Comisión Europea e o Servizo Europeo de Acción Exterior lanzaron unha consulta específica para avaliar as necesidades de desenvolvemento e as opcións para o programa de gobernanza internacional dos océanos da UE. A gobernanza dos océanos refírese aos procesos, acordos, normas e institucións internacionais e rexionais que permiten á comunidade internacional coordinar e traballar conxuntamente en prol da conservación e o uso sostible no mar, onde os desafíos non poden ser abordados por un só país.
A consulta ten por obxecto determinar as medidas pertinentes á luz dos desafíos e oportunidades actuais para alcanzar os obxectivos de sustentabilidade mundial dos océanos, en particular o obxectivo de desenvolvemento sostible dos océanos no marco do Programa de 2030 en apoio do Pacto Verde Europeo. |
|
Data de peche: 15 de outubro de 2020. |
|
Máis información |
|
|
EVENTOS |
|
Green Deal Call Webinar – Space |
|
Online, 8 outubro 2020 |
|
Water Europe H2020 Green Deal Brokerage Event |
|
Online, 12-16 outubro 2020 |
|
H2020 Green Deal Call - virtual brokerage event |
|
Online, 14-15 outubro 2020 |
|
EU Green Week 2020 |
|
Bruxelas, 20-22 outubro 2020 |
|
|
|
|
Annual Privacy Forum 2020 |
|
Online, 22-23 outubro 2020 |
|
EU HEALTH SUMMIT 2020 - A SHARED VISION FOR THE FUTURE OF HEALTH IN EUROPE |
|
Online, 26 outubro 2020 |
|
Net4Society Virtual Brokerage Event: SSH in the Green Deal Call |
|
Online, 27 outubro 2020 |
|
NOVAS |
|
ERC Starting Grants 2020: 2 gañadores desenvolverán os seus proxectos en Galicia |
|
A convocatoria ERC Starting Grant 2020 vai financiar 436 proxectos para que os investigadores gañadores formen, lideren e consoliden os seus grupos de investigación con liñas de traballo na fronteira do coñecemento. Dos 23 proxectos que se realizarán en España, dous desenvolveranse en Galicia: os liderados por Beatriz Pelaz e Mario Pansera.
|
Máis información |
|
Resultados da Iniciativa de Resposta á Crise do EIT: 60 millóns de euros outorgados a innovadores e empresas en Europa |
|
No marco dos esforzos da UE para afrontar a pandemia de COVID-19, o Instituto Europeo de Innovación e Tecnoloxía (EIT) ven de anunciar os resultados da Iniciativa en resposta á crise do EIT: concedéronse 60 millóns de euros a 207 proxectos empresariais e de innovación de 32 países. Os proxectos e empresas apoiados inclúen, entre outros, solucións efectivas como biotecnoloxía e diagnose, uso de prototipos 3D para reconfigurar partes conxestionadas da cidade e áreas de traballo conxunto, apoio ás interrupcións da cadea de subministración de alimentos e solucións para reducir os contaminantes no aire.
|
|
Máis información | Rolda de prensa |
|
EIOS - A plataforma de intelixencia sobre epidemias |
|
O JRC (Centro Común de Investigación), xunto coa Organización Mundial da Saúde, creou a plataforma Epidemics Intelligence from Open Sources (EIOS), que recompila ata 120000 artigos por día relacionados coa pandemia de coronavirus. A plataforma está a axudar a clasificar esta información e poñela ao dispor dos expertos de todo o mundo que están a rastrexar a pandemia. |
|
Máis información |
|
Como a revolución dixital está a transformar a investigación do cerebro financiada con fondos europeos |
|
A medida que a revolución dixital segue remodelando o mundo, vense tecnoloxías que se integran con firmeza en todos os aspectos das nosas vidas, mesmo nas correntes de investigación da neurociencia, para axudar a desvelar a complexidade dos trastornos neurolóxicos. Neste paquete de resultados de CORDIS, destácanse proxectos innovadores financiados con fondos europeos que están a axudar á ciencia para entender a máquina máis complexa e misteriosa que existe: o cerebro humano. |
|
Máis información |
|
Cidades do futuro: intelixentes, resilientes, inclusivas e sostibles |
|
Grazas a unha colaboración conxunta da comunidade FIWARE desenvolveron este libro branco no que tratan sobre as últimas estratexias e innovacións de como crear cidades intelixentes, resilientes, inclusivas e sostibles. Proporciona unha visión das tendencias clave que están a impulsar a necesidade de crear cidades futuras utilizando unha gama de tecnoloxías intelixentes para mellorar a eficiencia dos recursos, mellorar a habitabilidade e aumentar a resiliencia ao cambio climático. |
|
Máis información |
|
Os plans de igualdade serán un criterio de elixibilidade en Horizonte Europa |
|
No marco da celebración dos Research & Innovation Days da Comisión Europea, abordáronse diferentes aspectos da política de I+D+i así como o próximo Programa Marco, Horizonte Europa. Durante unha das sesións o Director Xeral de Investigación e Innovación da Comisión Europea, anunciou que toda entidade legal deberá contar cun plan de igualdade en vigor para acceder a financiamento do próximo Programa Marco. Desta forma, os plans de igualdade convértense nun criterio de elixibilidade, para o que se establecerá un período transitorio.
|
|
Máis información |
|
|
|
|