CONVOCATORIAS |
|
Convocatoria H2020 Pacto Verde Europeo - Presentacións e vídeos da xornada informativa |
|
O 1 de outubro CDTI organizou un Infoday sobre a convocatoria do Pacto Verde Europeo. Cun orzamento de 1000 millóns de euros, esta convocatoria ten como obxectivo mobilizar a investigación e a innovación para fomentar unha transición social xusta e sostible cara unha Europa climaticamente neutra. Xa están dispoñibles os vídeos das distintas charlas e tamén se poden descargar as presentacións realizadas na xornada.
|
|
Axenda Infoday | Vídeos | Presentacións |
|
Axencia Espacial Europea (ESA) – Convocatoria AgriTech |
|
A Axencia Espacial Europea (ESA) xunto con ICT-AGRI-FOOD acaban de lanzar unha convocatoria para estimular o desenvolvemento de solucións para o espazo enfocadas a abordar de maneira responsable os desafíos agrícolas do século XXI. Defínense tres obxectivos clave en liña coa nova Política Agrícola Común: sustentabilidade (aplicacións que mitiguen os impactos sobre o clima, o medio ambiente, etc), equidade (promover as zonas rurais, atraer aos novos agricultores, etc) e competitividade.
|
|
Data de peche: 27 de novembro de 2020. |
|
Máis información | Presentación Webinar 5 outubro |
|
Convocatoria conxunta de BiodivERsA e Water JPI |
|
España, a través da Axencia Estatal de Investigación (AEI), participa na convocatoria conxunta BiodivERsA/WATER-JPI de proxectos de investigación transnacionais sobre a conservación e restauración dos ecosistemas degradados e a súa biodiversidade, con especial atención aos sistemas acuáticos. A AEI financiará ás entidades elixibles españolas que participen nos proxectos aprobados. O próximo 27 de outubro está previsto un webinar para explicar os detalles da convocatoria. |
|
Prazo presentación pre-propostas (1ª fase): 7 de decembro de 2020. |
|
Máis información | Texto convocatoria |
|
Publicado o topic "Espazo de Colaboración e Innovación dos Museos Europeos" do Reto 6 de H2020 |
|
Acábase de actualizar o Programa de Traballo 2020 do Reto Social 6 de H2020 engadindo 1 millón de euros adicional para financiar unha Acción de Coordinación e Apoio (CSA) no topic "Espazo de Colaboración e Innovación dos Museos Europeos". A acción apoiará principalmente aos museos no desenvolvemento de solucións que melloren a súa presenza dixital, innovar nas súas funcións e procesos do día a día, experimentar coa dixitalización 3D e aplicacións de realidade virtual e aumentada para os visitantes ou probar novos modelos de negocio para a súa recuperación post crise. Inclúense medidas destinadas a axudar ás institucións do patrimonio cultural a mitigar os efectos da crise da Covid-19, apoiando a súa transformación dixital. |
|
Data de peche: 12 xaneiro de 2021. |
|
Máis información |
|
Convocatorias European Research Council (ERC) 2021 |
|
En Horizon Europe (2021-2027), o Consello Europeo de Investigación (ERC) asegura estabilidade na súa misión e continuidade nas regras e os procedementos. A apertura das primeiras convocatorias do ERC será a partir de xaneiro de 2021 (datas previstas publicadas - CALL CALENDAR 2021 ). O programa OPORTUNIUS continuará ofrecendo aos investigadores que desenvolvan a súa investigación nalgunha institución de Galicia un servizo de asesoramento para a presentación de candidaturas ás novas convocatorias. A Oficina Europea de FECYT xunto coa Axencia Executiva do ERC (ERCEA) e a Oficina de Proxectos Europeos do ISCIII organizan o próximo 28 de outubro, en remoto, unha xornada informativa. José Labastida, xefe do departamento científico da ERCEA transmitirá as novidades do Programa de Traballo 2021. |
|
Xornada online 28 outubro |
|
CONSULTAS PÚBLICAS |
|
Consultas abertas do Instituto Europeo de Investigación e Innovación (EIT) |
|
En 2019, a Comisión Europea propuxo un novo marco estratéxico para guiar a Axenda de Innovación Estratéxica do EIT para 2021-2027. Dacordo con esta Axenda, o EIT planea reforzar as actividades de desenvolvemento rexional, lanzar unha nova acción para impulsar a capacidade de innovación das institucións de educación superior en Europa e mellorar a apertura e inclusión. Buscan a opinión nestas tres áreas:
Esquema de innovación rexional do EIT ( EIT RIS) posterior a 2020
Nova acción do EIT para apoiar a capacidade de innovación das institucións de educación superior
Comunidade EIT: aberta e inclusiva
|
|
Data de peche: 15 de novembro de 2020. |
|
Máis información |
|
|
|
|
|
|
EVENTOS |
|
Jornada Informativa Nacional – European Research Council_ convocatorias 2021 |
|
Online, 28 outubro 2020 |
|
FET Disruptive Project Ideas Week |
|
Online, 27-30 outubro 2020 |
|
Digital Conference on Industrial Technologies 2020 - “Transition to Sustainable Prosperity” |
|
Online, 27-28 outubro 2020 |
|
eMariMatch - Online B2B meetings |
|
Online, 27-29 outubro 2020 |
|
European Big Data Value Forum 2020 |
|
Berlín/Online, 3-5 novembro 2020 |
|
European Online Week of Active & Healthy Ageing |
|
Online, 2-6 novembro 2020 |
|
Annual Circular Economy Stakeholder Conference |
|
Online, 3-4 novembro 2020 |
|
European Conference on climate change and the European Water dimension - Enhancing Resilience |
|
Online, 4-5 novembro 2020 |
|
Virtual Matchmaking Event - 2020 EIF Digital Energy Congress and Expo |
|
Online, 4-6 novembro 2020 |
|
Online-Forum and Partnering on Biopolymers |
|
Online, 5 novembro 2020 |
|
<<< DRONETECH 2020 >>> B2B Virtual Matchmaking Event |
|
Online, 6-7 novembro 2020 |
|
NOVAS |
|
Mapeado dos Centros tecnolóxicos europeos activos en Tecnoloxías Avanzadas para a Industria |
|
Como parte da política para promover unha maior cooperación entre os centros tecnolóxicos de toda Europa, a Comisión Europea está a realizar un mapeado dos Centros Tecnolóxicos Activos con Tecnoloxías Avanzadas para a Industria. Entre estas tecnoloxías están: Intelixencia artificial, Seguridade, Materiais avanzados, Biotecnoloxía industrial, Realidade Virtual/Aumentada, Robótica, Tecnoloxías de fabricación avanzada, etc. Entre os criterios que deben reunir atópanse: Prestar servizos á industria e ás pemes, estar activo polo menos nunha das tecnoloxías avanzadas e ter tamén actividades nos niveis máis altos de madurez tecnolóxica (TRL5, TRL6, TRL7 ou TRL8). Tres centros tecnolóxicos galegos xa están incluídos neste mapa: AIMEN, EnergyLab e o Instituto Tecnolóxico de Galicia.
|
Máis información |
|
Premio da Unión Europea ás Mulleres Innovadoras 2020 |
|
Este ano presentáronse máis de 200 solicitudes e 21 mulleres foron preseleccionadas para a final. As catro gañadoras son pioneiras en innovacións revolucionarias nunha ampla gama de industrias e axudan a combater os desafíos globais. A española, Arancha Martínez, cofundadora e directora xerente de It Will Be, foi unha das gañadoras. A súa empresa axuda a combater a pobreza a través da innovación tecnolóxica, prestando apoio a mulleres e nenos vulnerables.
|
|
Máis infomación |
|
A iniciativa conxunta de Bioindustrias recoñece 9 propostas de proxectos pola súa excelencia |
|
A iniciativa tecnolóxica conxunta de Bioindustrias (BBI) acaba de adxudicar o selo BBI JU Sinergy Label a nove propostas de proxectos que se presentaron á convocatoria BBI 2019. Estas propostas obtiveron puntuacións o suficientemente altas para recibir financiamiento, pero non recibiron debido a límites orzamentarios. A entrega do premio realizouse nun evento celebrado o 6 de outubro no que tamén tiveron a oportunidade de coñecer outras posibles fontes de financiamento. |
|
Máis información |
|
A comunidade EIT lanza o proxecto Girls Go Circular para abordar a brecha de xénero dixital |
|
Este proxecto nace da urxencia de pechar a brecha de xénero no número de mulleres activas no sector dixital e empresarial na UE.O Plan de Acción de Educación Dixital da Comisión Europea informa que só o 30% dos emprendedores e o 32% dos líderes económicos na UE son mulleres. Ademais, só o 15% dos empregados do sector tecnolóxico na UE son mulleres. A través dun programa de aprendizaxe en liña sobre a economía circular, o proxecto Girls Go Circular contribuirá a pechar a brecha de xénero dixital, particularmente naqueles países definidos como innovadores modestos e moderados segundo o Cadro de indicadores da innovación europea.
|
|
Máis información |
|
|
|