CONVOCATORIAS |
|
Convocatoria DigiCirc 2021 |
|
A aceleradora DigiCirc lanzou a súa primeira convocatoria para impulsar proxectos innovadores baseados no desenvolvemento e a comercialización de solucións, produtos e procesos que fagan fronte a un destes catro desafíos: Cidades autónomas, Xestión de residuos, Consumo sostible ou Educación. Espérase financiar un mínimo de 15 consorcios compostos por, polo menos, 2 pemes. Poderán recibir ata 60.000 euros de financiamento por peme, terán acceso a 4 plataformas dixitais desenvoltas para axudar a planificar o seu negocio e apoiar operacións a grande escala e contarán co apoio dun servizo de mentorización temática. Ao final do programa, seleccionaranse 5 consorcios para recibir un financiamento adicional de 100.000€.
|
|
Data de peche: 15 de xaneiro de 2021. |
|
Convocatoria | Webinar - Vídeo (18/11/20) |
|
Convocatoria EuroNanoMed 2021 |
|
A ERA-NET EuroNanoMed estableceuse en 2008 como unha plataforma para que as axencias de financiamento e os ministerios coordinen programas de investigación e innovación co obxectivo de crear e financiar proxectos de investigación e innovación colaborativos que poidan converter a investigación en nanotecnoloxía en beneficios prácticos e avances médicos tanxibles. Esta ERA-NET ten aberta a 12ª convocatoria transnacional conxunta na que os proxectos deberán cubrir polo menos unha das seguintes áreas: Medicina rexenerativa, Diagnose ou Sistemas de subministración dirixidos. A modalidade de financiamento consistirá nunha axuda parcialmente reembolsable, cunha cobertura financeira de ata o 75% do orzamento total aprobado (préstamo) e cun tramo non reembolsable de ata o 33% en función da natureza do beneficiario e proxecto. |
|
Data límite pre-propostas: 21 de xaneiro de 2021. |
|
Máis información |
|
Convocatoria Blue Economy Window 2020 |
|
Está dispoñible a gravación do evento informativo do 24 de novembro no que se deron a coñecer estas axudas do Fondo Europeo Marítimo e de Pesca. Esta convocatoria está destinada a pemes da UE que traballen na innovación na economía azul. Cada proxecto poderá obter ata un 70% de cofinanciamento cunha contribución media da UE de entre 700.000€ e 2.500.000€. |
|
Data de peche: 16 de febreiro de 2021. |
|
Vídeo evento | Axenda | Infografía | Convocatoria |
|
INNOVATION FUND: Segunda convocatoria |
|
O Fondo de Innovación é un instrumento de financiamento chave para cumprir os obxectivos climáticos da UE no marco do Pacto Verde Europeo e reforzar o liderado tecnolóxico europeo a escala mundial. Acaba de abrirse a segunda convocatoria, centrada en proxectos innovadores listos para entrar no mercado e que impliquen importantes reducións das emisións. Está dirixida a proxectos a pequena escala en enerxías renovables, industrias de uso intensivo de enerxía, almacenamento de enerxía e captura, uso e almacenamento de carbono, cuns custos de capital totais inferiores a 7,5 millóns de euros.
|
|
Data de peche: 10 de marzo de 2021. |
|
Convocatoria | Webinar - Vídeo (09/12/20) |
|
EIT InnoEnergy Investment Round 2021 |
|
A EIT InnoEnergy, unha das Comunidades de Innovación e Coñecemento (KIC) do Instituto Europeo de Innovación, ten entre os seus obxectivos apoiar a máis empresas europeas para comercializar as próximas grandes innovacións en enerxía sostible. Por iso, lanzou unha serie de roldas de financiamento destinadas a emprendedores e empresas que conten cun produto ou servizo innovador que poida saír ao mercado nun prazo máximo de 5 anos. Os participantes deben realizar unha proba piloto equivalente a un TRL 5 ou superior e formar parte dun consorcio composto por, como mínimo, 3 socios europeos de polo menos 2 países diferentes. A duración do proxecto oscilará entre 2 e 3 anos e financiarase entre o 20 e o 80% do orzamento en función da proposta concreta.
|
|
Data de peche: 15 de marzo de 2021. |
|
Máis información |
|
CONSULTAS PÚBLICAS |
|
Consulta pública sobre os fondos de investimento a longo prazo |
|
A Comisión Europea ten aberta unha consulta pública acerca dos fondos europeos de investimento a longo prazo (ELTIF). Estes fondos son un esquema da UE para facilitar o investimento en activos como proxectos de infraestrutura social e de transporte (enerxía, hospitais, vivendas sociais), propiedades e pequenas empresas. Despois de varios anos só se estableceron ao redor de 28 ELTIF. Esta consulta está dirixida a persoas e entidades que representen a autoridades nacionais competentes, administradores de activos, empresas de investimento, entidades de crédito, consumidores e organizacións de investidores, asesores financeiros e legais ou outros provedores de servizos, así como académicos e grupos de expertos en políticas. As respostas a esta consulta resultarán fundamentais para unha avaliación completa do funcionamento destes fondos.
|
|
Data de peche: 19 de xaneiro de 2021. |
|
Máis información |
|
|
|
|
|
|
EVENTOS |
|
Virtual International Partnering – Innovation in Environment & Energy & Circular Economy |
|
Online, Ata o 31 decembro 2020 |
|
International BtoB meetings CYCL'EAU Toulouse |
|
Online, 13-14 xaneiro 2021 |
|
Xornada Impact RIS3T: Finaciamento en cascada |
|
Online, 14 xaneiro 2021 |
|
sTARTUp Day 2021 - Matchmaking |
|
Tartu/Online, 27-29 xaneiro 2021 |
|
Xornada Impact RIS3T: Horizon Europe |
|
Online, 28 xaneiro 2021 |
|
Bringing Value to Agrobiomass |
|
Online, 10-11 febreiro 2021 |
|
Smart Building Levante |
|
Online, 19-20 febreiro 2021 |
|
NOVAS |
|
Un dos 22 proxectos da convocatoria Consolidator Grant 2020 desenvolverase en Galicia |
|
O Consello Europeo de Investigación deu a coñecer os 327 proxectos gañadores da convocatoria Consolidator Grant 2020 que recibirán uns 655 millóns de euros. O ERC destaca que as mulleres gañan terreo, xa que o 37% se concedeu a investigadoras. Os novos beneficiarios poderán consolidar os seus equipos e ter un impacto de grande alcance nos resultados das súas investigacións. Vinte e dous proxectos desenvolveranse en centros españois e un deles levarase a cabo na USC. Sebastián Villasante resultou gañador co proxecto EQUALSEA no que abordará as transformacións socio-ecolóxicas influídas polo estado dos océanos e como certos estresores afectan as áreas mariñas protexidas. Tamén resultou gañadora a investigadora galega Leticia Cunqueiro, adscrita ao Institut Polytechnique de París, que desenvolverá a súa investigación sobre física de partículas no CERN de Xenebra.
| Noticia | Listado proxectos | Nota prensa - ERC |
|
Plan de Incentivación para a participación española en Horizonte Europa |
|
O Ministerio de Ciencia e Innovación presenta este Plan co obxectivo de promover a participación española e o liderado nos programas de I+D+i europeos optimizando o uso dos recursos dispoñibles, de acordo coas prioridades, fortalezas e intereses de España. O documento recolle as principais medidas que serán xestionadas polas axencias de financiamento do Ministerio de Ciencia e Innovación e que están dirixidas a mellorar e facilitar a participación do sistema de ciencia e innovación nacional en Horizonte Europa. España promoverá o aliñamento das axudas estatais e rexionais e a súa sinerxia cos fondos europeos e o liderado e a presenza española nos ámbitos de decisión da estrutura comunitaria no ámbito da I+D+i.
|
|
Máis información |
|
Presentacións da xornada sobre Desenvolvemento de Carreira Investigadora e MSCA en Horizonte Europa |
|
O pasado 11 de decembro a Oficina Europea de FECYT en colaboración con Madrimasd, organizou unha xornada onde se explicaron as novidades do programa Marie Sklodowska-Curie no futuro Horizonte Europa e tamén se debateu sobre aspectos de desenvolvemento de carreira investigadora no marco do novo Espazo Europeo de Investigación. Xa están dispoñibles as presentacións e tamén en breve estará o vídeo do evento.
|
|
Máis información |
|
European Cybersecurity Atlas |
|
A Comisión Europea creou unha plataforma dixital para mapear, categorizar e estimular a colaboración entre expertos europeos en ciberseguridade en apoio da Estratexia Dixital da UE. Este Atlas será un apoio importante para o próximo centro europeo de competencia en ciberseguridade. Entre os seus obxectivos principais está mapear as competencias de Europa en varios dominios de ciberseguridade e apoiar á CE na xestión de programas de traballo e asignación de fondos. Nesta plataforma xa está rexistrado un axente galego: a Universidade de Vigo, co Departamento de Teoría do Sinal e Comunicacións.
|
|
Noticia | Folleto | Enlace a Atlas |
|
A estratexia “Digital Europe” fará que a transformación dixital funcione para todos |
|
Cun orzamento proposto de 9200 millóns de euros para o periodo 2021-2027, este programa persegue reforzar os investimentos en áreas tecnolóxicas como a supercomputación, a Intelixencia Artificial, a ciberseguridade, as competencias dixitais avanzadas, así como asegurar un amplo uso destas tecnoloxías pola economía e a sociedade en liña cos obxectivos e valores de sustentabilidade en Europa. O 10 de decembro Gain organizou unha xornada virtual na que representantes da Comisión Europea deron a coñecer esta estratexia, no marco da Estratexia de Especialización Intelixente Transfronteiriza de Galicia-Norte de Portugal (RIS3 T), co obxectivo de ir preparando o ecosistema de innovación da Eurorrexión para o novo período de programación 2021-2027.
|
|
Noticia | Webinar GAIN |
|
|
|