CONVOCATORIAS |
|
Convocatoria CHIST-ERA 2020 |
|
A ERANET CHIST-ERA (Challenges in Information and Communication Sciences & Technologies ERA-NET) abriu a convocatoria para a presentación de proxectos de investigación transnacionais nos temas:
- Advanced Brain - Computer Interfaces for Novel Interactions (BCI).
- Towards Sustainable ICT (S-ICT).
España, a través da Axencia Estatal de Investigación, financiará ás entidades elixibles españolas que participen nos proxectos aprobados. É recomendable consultar o anexo nacional correspondente, xa que pode haber incompatibilidades con outras convocatorias.
|
|
Data de peche: 1 de marzo de 2021. |
|
Máis información |
|
Convocatoria España-Malasia |
|
Está aberta a segunda chamada conxunta España-Malasia no marco do Programa Bilateral de Cooperación Tecnolóxica España-Malasia - MYSIP para a presentación de propostas nas áreas de Cidades sostibles; Economía baseada no coñecemento (k-economy) sobre a redución do impacto ambiental adverso nas cidades; Fabricación avanzada e materiais e Saúde, e centradas nas temáticas referenciadas en cada área. Os proxectos deben estar orientados ao desenvolvemento ou mellora significativa dun produto, proceso ou servizo innovador con perspectivas de mercado. |
|
Data de peche: 11 de marzo de 2021. |
|
Máis información |
|
Convocatoria España-Tailandia |
|
Tamén está aberta a segunda chamada conxunta España-Tailandia no marco do Programa Bilateral España-Tailandia de Cooperación Tecnolóxica en Ciencias da Vida - TLSIP Life Sciences para a presentación de propostas de cooperación tecnolóxica. Os proxectos tamén deben estar orientados ao desenvolvemento ou mellora significativa dun produto, proceso ou servizo innovador con perspectivas de mercado nas áreas de interese: Medicina rexenerativa e de precisión; Alimentos funcionais; Produtos de base natural; Dispositivos médicos e robótica; Investigación clínica e Uso de aplicacións e outras tecnoloxías da información aplicadas á saúde. |
|
Data de peche: 15 de marzo de 2021. |
|
Máis información |
|
Convocatoria AAL 2021 |
|
O Programa de Vida Activa e Asistida (AAL) lanza unha nova convocatoria centrada no desafío de promover solucións avanzadas de saúde e coidado inclusivos para envellecer ben na nova década. O obxectivo é apoiar proxectos innovadores, transnacionais e multidisciplinarios. Esta convocatoria quere enfatizar principalmente tres elementos: un enfoque de saúde e coidado inclusivo, estimulación e ampliación da innovación no envellecemento activo e saudable a través dos ecosistemas de saúde e coidado e accesibilidade das solucións dixitais para os usuarios finais. O 27 e 28 de xaneiro terá lugar un evento informativo online no que se poderán coñecer todos os detalles.
|
|
Data de peche: 21 de maio de 2021. |
|
Máis información |
|
CONSULTAS PÚBLICAS |
|
Consulta pública sobre a Estratexia de Biodiversidade da Unión Europea |
|
Acaba de abrir unha consulta sobre a Estratexia Europea de Biodiversidade 2020 co obxectivo de recompilar información e observacións sobre a aplicación desta estratexia en materia de diversidade biolóxica ata 2020 e sobre a aplicación do Regulamento da Unión Europea sobre especies exóticas invasoras, así como informar sobre a avaliación de impacto que sustentará a proposta da Comisión de obxectivos vinculantes da Unión Europea para a restauración da natureza. A consulta está aberta a calquera organización ou individuo interesado, especialmente aqueles que participan na xestión, restauración e protección da biodiversidade ou que se ven afectados por diferentes aspectos da política da UE nesta materia de biodiversidade.
|
|
Data de peche: 5 de abril de 2021. |
|
Máis información |
|
|
|
|
|
EVENTOS |
|
Conference "Education: What’s next? Formal education & training and the transition from school to work in rural areas" |
|
Online, 27 xaneiro 2021 |
|
Call 2021 Info Day of AAL Programme |
|
Online, 27-28 xaneiro 2021 |
|
Xornada Impact RIS3T: Horizon Europe |
|
Online, 28 xaneiro 2021 |
|
BIOKET 2021 Brokerage event |
|
Online, 1-19 marzo 2021 |
|
International Machinery Forum 2021 - The Factory of Tomorrow |
|
Online, 11-12 marzo 2021 |
|
Virtual B2B - Railway applications of non-railway technologies |
|
Online, 12–13 abril 2021 |
|
Fashion Match Supply 2021 – Virtual Brokerage Event |
|
Online, 26–30 abril 2021 |
|
NOVAS |
|
Lanzamento do “Heritage Research Hub” |
|
Xa está en liña unha nova plataforma dirixida á comunidade investigadora do patrimonio cultural. Xestionada pola Iniciativa de Programación Conxunta sobre o Patrimonio Cultural e Cambio Global (JPI CH), creáse con varios obxectivos: proporcionar información sobre a iniciativa e as súas actividades, difundir contidos (eventos, noticias, oportunidades de financiamento, etc.) , mostrar recursos en liña para a investigación e conectar aos axentes que están traballando no ámbito do patrimonio.
|
|
Máis información |
|
Nova estratexia industrial da UE: desafíos a afrontar |
|
Os eurodeputados queren que a futura estratexia industrial da UE axude ás empresas a sobrevivir á crise de Covid-19 e facer fronte ás transicións dixitais e ambientais. As empresas europeas víronse moi afectadas pola pandemia da Covid-19. Antes de realizar as necesarias transicións, a industria da UE debe recuperarse da pandemia. Nunha resolución, os eurodeputados reiteraron o seu chamamento á Comisión Europea para que revisase a súa proposta sobre a nova estratexia industrial da UE. Segundo os eurodeputados, a nova estratexia industrial debería constar de dúas fases: unha fase de recuperación para consolidar postos de traballo, reactivar a produción e adaptarse a un período post-Covid; seguido de reconstrución e transformación industrial.
|
|
Máis información |
|
Primeira Axenda de Investigación Estratéxica de Batteries Europe |
|
Esta axenda publicada recentemente establece as prioridades a curto e longo prazo que a investigación europea sobre baterías debe seguir para fortalecer a posición da UE no mercado global e alcanzar os obxectivos do Pacto Verde Europeo. Como resultado da colaboración dos seis grupos de traballo e os grupos de traballo sobre temas transversais, a plataforma tecnolóxica europea Batteries Europe publicou a súa primeira Axenda de Investigación Estratéxica en decembro de 2020. Este documento conta cun amplo apoio de todas as partes interesadas relevantes de toda a cadea de valor da batería, incluídas as axencias de investigación e innovación europeas, nacionais e rexionais.
|
|
Máis información |
|
Pacto Europeo polo clima – Evento de lanzamento |
|
O 16 de decembro de 2020 tivo lugar o evento de lanzamento do Pacto Europeo polo Clima. A Comisión Europea lanzou esta iniciativa a nivel da UE que convida a persoas, comunidades e organizacións a participar na acción climática e construír unha Europa máis verde. Como parte do Pacto Verde Europeo, o Pacto Climático ofrece un espazo para que todos compartan información, debatan e actúen sobre a crise climática, e formen parte dun movemento climático europeo en constante crecemento. Está dispoñible a gravación do evento, que inclúe charlas a cargo de invitados especiais centradas en accións climáticas concretas da vida cotiá, a presentación dos primeiros Embaixadores do # EUClimatePact e un debate sobre os próximos compromisos do Pacto Climático.
|
|
Nota de prensa - Pacto Europeo polo clima | Evento de lanzamento |
|
|
|