CONVOCATORIAS |
|
Convocatoria ERC Consolidator Grant 2021 & Servizo Oportunius |
|
O 11 de marzo abriu a convocatoria ERC Consolidator Grants 2021, para investigadores/as que estean a consolidar o seu propio equipo ou programa de investigación independente e que obtiveran o grao de Doutor entre 7 a 12 anos antes do 01/01/2021.
A Oficina Europea da FECYT organizou un Taller en liña (09/03/21) no que se transmitiron as claves de éxito a través da experiencia de 3 investigadores/as e 3 membros dos paneis da devandita convocatoria. A información e a documentación deste taller pódese consultar a través do seguinte enlace.
Desde GAIN, a través do programa Oportunius, seguimos ofrecendo un servizo de asesoramento para a presentación de candidaturas a todos os investigadores que desenvolvan a súa investigación nalgunha institución de Galicia.
|
|
Data de peche: 20 de abril de 2021. |
|
Máis información |
|
Convocatoria ERA-MIN3 |
|
O obxectivo desta convocatoria é financiar proxectos transnacionais de I+D relacionados coas materias primas e a súa contribución ao desenvolvemento sostible e a economía circular. Os proxectos deben incluír polo menos 3 socios de 3 países diferentes. Aborda tres segmentos de materias primas non-enerxéticas e non-agrícolas: Materiais metálicos, Materiais de construción, e Minerais industriais. A axuda do CDTI á participación de empresas españolas farase en forma de subvención, con contía individualizada en función do custo financiable real do proxecto, as características do beneficiario e a dispoñibilidade orzamentaria. No evento de lanzamento explicáronse todos os detalles sobre esta oportunidade de financiamento, así como as regras e requerimentos específicos para os solicitantes. |
|
Data de peche: 1 de abril de 2021. |
|
Evento lanzamento (17/02/21) | Convocatoria |
|
CELTIC-NEXT Spring Call 2021 |
|
CELTIC- NEXT é o cluster EUREKA para as comunicacións de próxima xeración que posibilitan a sociedade dixital. As actividades están abertas a todas as organizacións que comparten a visión de CELTIC- NEXT dunha sociedade dixital inclusiva e están dispostas a colaborar no seu propio beneficio, aliñadas coas súas prioridades nacionais, para avanzar no desenvolvemento e a adopción de solucións TIC avanzadas. Na convocatoria financiaranse proxectos de colaboración internacional nunha ampla gama de temas.
|
|
Data de peche: 12 de abril de 2021. |
|
Máis información | Proposers Day (23/02/21)- Presentacións | CDTI – Financiamento en España |
|
Quinta convocatoria España-Exipto |
|
No marco do programa bilateral de cooperación tecnolóxica ESIP -"Egypt-Spain Innovation Programme", o CDTI e a axencia STDF (Science & Technology Development Fund) lanzaron a quinta convocatoria para a presentación de proxectos conxuntos de I+D , liderados por empresas e orientados ao mercado (desenvolvemento de novos produtos, procesos ou servizos, ou mellora substancial dos mesmos), en réxime de colaboración con Exipto. Está aberta a proxectos colaborativos de I+D nas seguintes áreas/sectores: Agricultura e produción alimentaria sostible; Xestión sostible da auga; Atención médica asequible e inclusiva; Enerxía renovable; Sector medioambiental; Construción; Transporte; Sector turismo e antigüidades; Industrias estratéxicas.
|
|
Data de peche: 15 de abril de 2021. |
|
Texto convocatoria | Máis información |
|
Convocatoria ERA-NET COFUND CHANSE |
|
España, a través da Axencia Estatal de Investigación (AEI), participa na ERA-Net Cofund “Collaboration of Humanities And Social Sciences in Europe (CHANSE)” de Horizonte 2020, xunto con 27 axencias financiadoras de 24 países. CHANSE acaba de lanzar a convocatoria “Transformacións: Dinámicas sociais e culturais na era dixital”. O obxectivo é financiar proxectos de investigación en colaboración internacional que axuden a comprender os cambios sociais e culturais producidos polas innovacións dixitais, que, á súa vez, están influídas pola sociedade e pola cultura. Anímase aos investigadores españois a participar nesta convocatoria coordinando ou formando parte de consorcios transnacionais. É importante consultar os anexos nacionais correspondentes xa que poden existir incompatibilidades. |
|
Data límite presentación pre-propostas (1ª fase): 7 de maio de 2021. |
|
Webinar presentación (15/03/21) | Convocatoria |
|
CONSULTAS PÚBLICAS |
|
Resposta ao impacto do envellecemento da poboación |
|
A Comisión Europea presentou o Libro Verde sobre o Envellecemento: Fomento da solidariedade e a responsabilidade entre xeracións, para iniciar un amplo debate político sobre os retos e as oportunidades do envellecemento da sociedade europea. Nel exponse o impacto desta marcada tendencia demográfica na nosa economía e sociedade. A CE lanza esta consulta aberta aos cidadáns e organizacións interesados de todos os Estados membros (EEMM), incluídos os niveis rexional e local. Os resultados da consulta axudarán a identificar o apoio necesario para as persoas, as súas rexións e comunidades. Sobre a base dos resultados, a Comisión estudará posibles respostas políticas para intensificar os esforzos nos EEMM e as rexións a fin de abordar os problemas relacionados co envellecemento.
|
|
Data de peche: 21 de abril de 2021. |
|
Máis información |
|
|
|
|
EVENTOS |
|
Webinar “How to prepare a successful proposal in Horizon Europe” |
|
Online, 24 marzo 2021 |
|
Jornada “ El Accelerator del EIC de Horizonte Europa” |
|
Online, 24 marzo 2021 |
|
DigithON Green Mountain |
|
Online, 14 abril 2021 |
|
Virtual Matchmaking: Re-Engineering the Manufacturing & Retail sectors for the New Norm |
|
Online, 14-15 abril (Manufacturing), 28-29 abril (Retail) 2021 |
|
Jornada informativa sobre el Programa de Cooperación Europea en Ciencia y Tecnología “COST” |
|
Online, 20 abril 2021 |
|
3rd European Conference on Connected and Automated Driving – EUCAD 2021 |
|
Online, 20-22 abril 2021 |
|
Digital Seafood Meeting 2021 |
|
Online, 21 abril 2021 |
|
INNOFORM 2021 - Virtual Brokerage Event |
|
Online, 21 abril 2021 |
|
CONNECT DAY(s) 2021 |
|
Online, 3, 6 e 12 maio 2021 |
|
NOVAS |
|
A UE creará 10 novas asociacións europeas e investirá case 10.000 millóns de euros na transición ecolóxica e dixital |
|
A Comisión propuxo crear dez novas asociacións europeas coa Unión Europea, os Estados membros e a industria entre os posibles participantes. O obxectivo é dobre: acelerar a transición cara a unha Europa ecolóxica, climaticamente neutral e dixital e facer que a industria europea sexa máis resiliente e competitiva. A UE achegará case 10.000 millóns de euros, financiamento ao que os socios deberán responder cun investimento como mínimo equivalente. As asociacións, algunhas baseadas en empresas comúns xa existentes, son as seguintes: Global Health EDCTP3 (Asociación Europa - países en desenvolvemento sobre ensaios clínicos); Asociación europea para unha sanidade innovadora; Tecnoloxías dixitais clave; Europa circular de base biolóxica; Hidróxeno limpo; Aviación limpa; O ferrocarril de Europa; Single European Sky ATM Research 3 (investigación sobre xestión do tráfico aéreo - Ceo Único Europeo); Redes e servizos intelixentes; Metroloxía.
|
|
Máis información |
|
A CE publicou a plantilla para propostas de Horizonte Europa |
|
A Comisión Europea (CE) empezou a publicar documentos sobre o novo Programa no Funding and Tenders Portal. Xa está dispoñible a "plantilla tipo" a utilizar para a presentación de propostas de Accións de Investigación e Innovación (RIA) e Accións de innovación (IA): Templates & forms - Standard application form (RIA, IA). A plantilla debe utilizarse só a título informativo, xa que os formularios reais estarán accesibles en formato Web cando abran as convocatorias e poderían variar. Tamén se vai publicar o borrador dos modelo de acordo de subvención que se utilizará en Horizonte Europa: Grant agreements and contracts. Os documentos están accesibles a través da ligazón indicada. O 24 de marzo a CE organiza un webinar sobre a preparación de propostas en Horizonte Europa. A axenda inclúe 2 partes: 1. Presentación e avaliación, 2. Modelo de acordo de subvención. O evento retransmitirase vía YouTube.
|
|
Documentos | Webinar (24/03/21) |
|
A Comisión dá luz verde ao sucesor da BBI JU |
|
A Comisión Europea acordou que o sucesor da BBI JU sexa a Empresa Común Europa Circular de Base Biolóxica (CBE JU). A proposta presenta CBE co obxectivo de contribuír significativamente aos obxectivos climáticos da UE para 2030, sentar as bases para a neutralidade climática para 2050 e promover sistemas circulares e sostibles de produción e consumo en liña co Pacto Verde Europeo. O Parlamento Europeo e o Consello estudarán agora a proposta e establecerán un diálogo a tres bandas coa Comisión para finalizala. Espérase a adopción do regulamento hacia finais de ano.
|
|
Máis información |
|
O CDTI organiza o Infoday "El Accelerator do EIC de Horizonte Europa" |
|
O 24 de marzo, o Centro para o Desenvolvemento Tecnolóxico Industrial (CDTI) organiza este evento informativo sobre o Acelerador do Consello Europeo de Innovación (EIC). A principal novidade deste instrumento é o proceso para presentar propostas. Analizaranse tanto o proceso de presentalas, como o proceso de avaliación e as claves no proceso de negociación do capital en caso de solicitar financiamento mixto ou "blended". Ademais o programa de traballo do Acelerador do EIC en Horizonte Europa, tamén ofrece oportunidades para pemes con mulleres CEO (ou en postos equivalentes).
|
|
Máis información |
|
Desafíos da ciberseguridade na adopción da intelixencia artificial na condución autónoma |
|
A Axencia da Unión Europea para a Ciberseguridade (ENISA) e o Centro Común de Investigación (JRC) publicaron un informe que analiza os riscos da ciberseguridade relacionados coa Intelixencia Artificial en vehículos autónomos e ofrece recomendacións para mitigar os riscos e ameazas potenciais. Describe tamén o contexto político tanto a nivel europeo como internacional.
|
|
Máis información |
|
|
|