A mediados do mes de maio publicáronse dúas convocatorias de proxectos de dito programa: as accións Postdoctoral Fellowships (PF) e Doctoral Networks (DN).

• As accións PF contan cun orzamento de 275 millóns de euros e teñen como obxectivo apoiar a carreira dos investigadores e fomentar a excelencia na investigación. As PF están dirixidas a investigadores cun doutorado que desexen desenvolver a súa actividade investigadora no estranxeiro, adquirir novas competencias e desenvolver a súa carreira. As PF axudan aos investigadores a adquirir experiencia noutros países, disciplinas e sectores non académicos.
• As accións DN contan cun orzamento de 427,8 millóns de euros e teñen como obxectivo implementar programas de doutorado mediante asociacións de organizacións de diferentes sectores en toda Europa e máis aló para formar candidatos de doutorado altamente cualificados, estimular a súa creatividade, mellorar as súas capacidades de innovación e impulsar as súas posibilidades de emprego a longo prazo.

No marco do proxecto MSCA-NET lanzouse unha plataforma de matchmaking destinada a facilitar a cooperación entre todo tipo de institucións, empresas e investigadores para preparar proxectos MSCA nas próximas convocatorias: Postdoctoral Fellowships 2022, Doctoral Networks 2022 e Staff Exchanges 2022.

A convocatoria aberta MIND4MACHINES está dirixida a pemes (incluídas startups), que actúan como provedores de servizos tecnolóxicos da Industria 4.0 para socios/usuarios finais da industria manufacturera.

Nesta convocatoria subvencionaranse proxectos de ata 120.000 euros e 9 meses de execución para un amplo abano de necesidades como prototipado, probas, demostracións, probas piloto, validación de produtos a gran escala, consultoría específica, replicación no mercado e outros servizos que se detallan no texto da convocatoria.

Con esta primeira convocatoria, AMULET seleccionará ata 26 consorcios de 2-3 pemes para abordar o desenvolvemento e implementación de actividades de demostración arredor da tecnoloxía aplicables exactamente a un dos Desafíos Abertos anunciados na convocatoria procedentes dun dos tres tipos de materiais lixeiros (composites a base de polímeros, compostos de matriz cerámica e aliaxes métalicas lixeiras) para catro sectores: automoción, aeroespacial e aeronáutica, enerxía e construción.

Os consorcios seleccionados recibirán o seguinte apoio:

• Fase 1. Ata 26 consorcios (2-3 pemes) recibirán apoio para realizar un estudo de viabilidade do proxecto: 23.000 euros por consorcio
• Fase 2. Ata 7 consorcios (2-3 pemes) da Fase 1 recibirán apoio para demostrar as súas solucións: 80.000 euros por consorcio
• Fase 3. Ata 7 consorcios (2-3 pemes) da Fase 2 recibirán servizos de apoio á innovación e de seguimento: 17.000 euros por consorcio

A convocatoria está dirixida a investigadores de Xapón e Europa que queiran presentar propostas de desenvolvemento de novos deseños de materiais con precisión atómica. Os materiais deseñados grazas á modificación deliberada da súa estrutura e composición a nivel atómico, suporán un paso adiante no campo do deseño e desenvolvemento de materiais avanzados multifuncionais para múltiples aplicacións sociais e industriais.

Cada consorcio debe estar formado por alomenos 3 entidades, 1 de Xapón e 2 de dous países europeos diferentes que participan na convocatoria conxunta. Os países participantes son: Bulgaria, República Checa, Hungría, Japón, Polonia, Eslovaquia, España e Turquía.

A Axencia Estatal de Investigación financiará aos centros de investigación españois que participen nos proxectos aprobados mediante a convocatoria de Programación Conxunta Internacional ou o seu equivalente.

A convocatoria, financiará cun orzamento total de 1,6 millóns de euros, organizacións, investigadores e empresas que desenvolvan solucións baseadas en blockchain.

A través da convocatoria, ONTOCHAIN seleccionará:

• Ata 3 proxectos para completar os bloques que faltan da infraestrutura ONTOCHAIN
• Ata 11 proxectos para explotar a infraestrutura ONTOCHAIN, deseñados e implementados respectivamente a través das convocatorias 1 e 2 para casos de uso que cubran as necesidades reais das persoas en termos de intercambio de datos/servizos fiables e manexo de contidos de confianza, de varios dominios verticais/sectores vitais da economía europea.

Os experimentos son estudos de casos relevantes para o usuario final aplicables a equipos baseados en láser para o mercado de fabricación avanzada e aditiva dentro dunha das seguintes áreas:

• Integración de equipos láser, interoperabilidade e automatización robusta
• Tecnoloxía para unha fabricación rentable baseada en láser
• Produción baseada en láser sen defectos
• Tecnoloxía flexible para lotes pequenos e grandes
• Do CAD ao PLM: integración e fluxo de datos

Para participar na convocatoria debe formarse un consorcio de como mínimo 2 empresas que actúen como provedor de tecnoloxía (integrador de sistemas) e adoptante/usuario final (empresa de fabricación). Os experimentos deben estar nun TRL de entre 5-7. Os consorcios gañadores recibirán durante 13 meses servizos de mentoría técnica e de negocios e ata 150.000 euros de financiamento

A convocatoria ten como obxectivo establecer unha rede piloto de laboratorios e institutos de investigación de primeira liña con coñecementos e capacidades para apoiar a HERA na identificación de patóxenos emerxentes e garantir a dispoñibilidade de contramedidas médicas para mellorar a preparación e resposta sanitaria.

Nun brote de emerxencia sanitaria, a rede terá que apoiar a HERA para proporcionar unha información oportuna, dirixida e adaptada á ameaza para a saúde identificada. O orzamento dispoñible para a convocatoria é de 25 millóns de euros.

O 10 de xuño de 2022 terá lugar unha sesión informativa sobre a convocatoria. Pódese consultar a axenda da mesma aquí.

As datas de peche das mesmas son as seguintes:

• Proxectos de acción estándar (PAE) para economía circular e calidade de vida, natureza e biodiversidade, subprogramas de mitigación e adaptación ao cambio climático: 4 de outubro de 2022
• Bolsas de acción LIFE para o subprograma de transición enerxética limpa: 16 de novembro de 2022
• Proxectos Estratéxicos Integrados (SIP) e Proxectos Estratéxicos da Natureza (SNAP):
  • Notas conceptuais: 8 de setembro de 2022
  • Propostas completas: 30 de marzo de 2023
• Preparación de asistencia técnica para SIP e SNAP: 8 de setembro de 2022
• Convenios específicos de subvención de explotación (SGA OG) para entidades sen ánimo de lucro: 21 de setembro de 2022

As accións COST adoitan estar formadas por investigadores do mundo académico, pemes, institucións públicas e outras organizacións ou partes interesadas relevantes.

O financiamento que recibe unha acción COST cobre os gastos das actividades de traballo en rede máis que de investigación e, como tal, úsase para organizar reunións, escolas de formación, misións científicas a curto prazo e outras actividades de creación de redes.

Na convocatoria do ano 2022, aberta ata o 20 de outubro, espérase que se aproben ata 70 novas accións COST.

O próximo 2 de xuño, o Ministerio de Ciencia e Innovación e a Oficina Europea de FECYT organizan unha xornada informativa nacional sobre o Programa. A xornada, en formato híbrido, poderá seguirse a través do canle de Youtube do Portal español do Programa Marco de Investigación e Innovación da Unión Europea.

• Lump Sum Funding in Horizon Europe: How does it work? How to write a proposal? 19 de maio 2022.
• Info session on Horizon Results Booster - steering research towards a strong societal impact. 25 de maio 2022.
• Horizon Europe Coordinators' Day on Grant Agreement Preparation. 15 de xuño 2022 | 9:30-13:00
• Avoiding errors in declaring personnel costs in Horizon 2020 grants. 22 de xuño 2022 | 10:00-12:00

O evento será transmitido por streaming e os participantes terán a oportunidade de facer preguntas antes e durante o evento. A gravación da xornada estará dispoñible despois do evento.

O evento contará cunha segunda parte adicada ao traballo en rede. Os participantes rexistrados poderán concertar reunións a través da plataforma de networking da rede CBE dende o 7 de xuño ata o peche da convocatoria.

A primeira convocatoria do CBE abrirase antes do parón estival.

Os seminarios representan unha excelente oportunidade para aprender máis sobre os temas e poñerse en contacto con potenciais socios do proxecto.

• Seminario web sobre normas e procedementos do IHI. 10 de xuño | 10:30-12:00
• Diagnóstico e terapia guiada por imaxe e imaxe de nova xeración para o cancro. 15 de xuño | 14:30-16:00
• Acceso e integración de datos de saúde heteroxéneos para mellorar a atención sanitaria en áreas de enfermidades de alta necesidade de saúde pública insatisfeita. 22 xuño | 10:30-12:00
• Oncoloxía personalizada: terapias innovadoras centradas nas persoas e multimodais contra o cancro. 23 de xuño | 10:30-12:00
• Un innovador sistema de apoio á decisión para mellorar as vías de atención aos pacientes con enfermidades neurodexenerativas e comorbilidades. 23 de xuño | 14:30-16:00
• Enfermidades cardiovasculares: mellora da predición, prevención, diagnóstico e seguimento. 22 de xuño | 14:30-16:00
• Establecer unha metodoloxía harmonizada para promover a adopción dos primeiros estudos de viabilidade para a excelencia clínica e de innovación na Unión Europea. Hora e data por confirmar.

O programa de traballo I3 Instrument ten como obxectivo promover a innovación mediante a especialización intelixente e a colaboración interrexional.