CONVOCATORIAS |
|
Convocatoria - Circular Bio-based Europe
|
|
A iniciativa Circular Bio-based Europe (CBE-JU), dirixida a apoiar ás bioindustrias circulares competitivas en Europa, ten aberta a súa primeira convocatorias de propostas de proxectos. A convocatoria, que conta cun orzamento total de 120 millóns de euros, acollerá propostas de proxectos nos seguintes temas:
- Captación e uso de carbono bioxénico (CCU) para produtos circulares de base biolóxica.
- Modelos empresariais cooperativos para a mobilización e valorización sustentable de residuos, subprodutos e residuos agrícolas no rural.
- Rutas de produción rendibles cara a alternativas biolóxicas aos bloques de construción químicos de base fósil.
- Coprocesamento de fluxos mixtos de residuos de orixe biolóxica.
- Máxima valorización de materias primas biolóxicas de orixe sostible en biorrefinerías multiprodutos, cero residuos e cero contaminación.
- Fontes alternativas para alimentos e/ou ingredientes para pensos de alto valor engadido.
- Polímeros de base biolóxica de alto rendemento para aplicacións no mercado con requisitos estritos.
- Revestimentos, barreiras, aglutinantes e adhesivos de base biolóxica.
- Deseño de materiais de base biolóxica circulares para mellorar a circularidade de estruturas complexas.
- Proteínas de fontes alternativas e non convencionais.
- Materias primas para biorrefinerías de fibras sostibles.
- Desenvolvemento e validación de sistemas de seguimento da sustentabilidade ambiental e da circularidade: recollida de mellores prácticas e referencias.
|
|
Data de peche: 22 de setembro de 2022. |
|
Máis información |
|
|
Convocatoria - European City Facility
|
|
A convocatoria European City Facility (EUCF) ten como obxectivo apoiar aos concellos e as autoridades locais no desenvolvemento de accións identificadas nos seus plans de enerxía e clima. O obxectivo final da EUCF é construír unha carteira de proxectos de investimento enerxético sostibles nos municipios europeos. A convocatoria financia actividades como estudos de viabilidade, análises de enxeñería e xurídicos, estudos sociais e de mercado e outras tarefas de apoio.
O orzamento total da convocatoria é de 2,88 millóns de euros cunha subvención fixa de 60.000 euros por proxecto. Os solicitantes están obrigados a ter un plan de enerxía e clima aprobado.
|
|
Data de peche: 30 de setembro de 2022. |
|
Máis información |
|
|
Convocatorias HE - Clúster 3: Seguridade Civil para a Sociedade
|
|
O 30 de xuño abriron as convocatorias de 2022 do Clúster 3: "Seguridade civil para a sociedade" do programa Horizonte Europe. As convocatorias cun orzamento total estimado de 189,8 millóns de euros financian proxectos de investigación e innovación sobre:
- Loita contra a criminalidade e o terrorismo, 7 temas, 31 millóns de euros.
- Xestión das fronteiras exteriores da UE, 5 temas, 25 millóns de euros.
- Infraestruturas protexidas, 2 temas, 11 millóns de euros.
- Ciberseguridade, 4 temas, 67,3 millóns de euros.
- Sociedade resiliente aos desastres, 9 temas, 46 millóns de euros.
- I+i sobre seguridade, 4 temas, 9,5 millóns de euros.
Xa está dispoñible a gravación do Infoday que tivo lugar o pasado 28 de xuño.
|
|
Data de peche: 23 de novembro de 2022. |
|
Máis información |
|
|
Preanuncio Convocatoria - Biodiversa+ |
|
España, a través da Axencia Estatal de Investigación (AEI), participará na convocatoria de proxectos de investigación transnacionais en apoio á mellora do seguimento transnacional da biodiversidade e o cambio dos ecosistemas para a ciencia e a sociedade no marco da rede europea de investigación Biodiversa+.
A convocatoria contempla as seguintes liñas de investigación:
- Innovación e harmonización de métodos e ferramentas de recollida e xestión de datos de seguimento da biodiversidade
- Abordar as lagoas de coñecemento sobre o estado da biodiversidade, a dinámica e as tendencias para reverter a perda de biodiversidade
- Facer uso dos datos dispoñibles de seguimento da biodiversidade
Está previsto que a convocatoria abra o 8 de setembro de 2022 e que a data de peche sexa a principios de novembro de 2022.
|
|
Máis información |
|
|
|
|
|
|
EVENTOS |
|
|
Co-Matching Business Matchmaking Event |
|
Online, 25 agosto 2022. |
|
B2B Event Timber Construction and Forestry |
|
Klagenfurt am Wörthersee (Austria), 2 setembro 2022. |
|
PSE 2022 - International Matchmaking |
|
Erfurt & Online, 5-23 setembro 2022. |
|
MariMatch at SMM 2022 |
|
Hamburg, 8-9 setembro 2022. |
|
Smart Mobility Valencia 2022 |
|
Valencia & Online, 14 setembro 2022. |
|
Webinar on the Biodiversa+ Call |
|
Online, 20 setembro 2022. |
|
European Research and Innovation Days 2022 |
|
Online, 28-29 setembro 2022. |
|
|
NOVAS |
|
Iniciativa 'Get Digital - Go Green and Be Resilient' |
|
A agresión rusa contra Ucraína reorientou os esforzos internacionais na dependencia enerxética e na resistencia da cadea de subministración. Neste contexto, a DG GROW, o Consello Europeo de Innovación, a EISMEA, DIGITAL SME e a Enterprise Europe Network, crearán un catálogo de empresas europeas líderes con casos de uso para unha industria máis resistente.
A través da iniciativa 'Get Digital - Go Green and Be Resilient', destacaranse solucións dixitais e modelos de negocio que poidan ofrecer solucións de alto impacto para diminuír a dependencia do petróleo, gas e materias primas externas, así como aumentar a resistencia na cadea de subministración global.
Ademáis do catálogo, organizaranse dous obradoiros para mostrar as solucións máis impactantes:
- O primeiro "Get Digital: Go Green" centrarase en solucións para reducir o consumo global de enerxía nas operacións comerciais.
- O segundo "Get Digital: Be Resilient" adicarase ás solucións que apoian a resiliencia da cadea de subministración da industria europea.
Un xurado seleccionará os traballos que se presentarán nos obradoiros e recibirán asesoramento personalizado de expertos en servizos de apoio ás pemes identificados en función das necesidades do proxecto de cada empresa.
As empresas ou pemes cunha solución dixital innovadora nun campo relacionado poden presentar a súa solución ata o 31 de agosto de 2022.
|
|
Máis información |
|
|
Folla de Ruta dos Materiais 2030 |
|
Co apoio da Comisión Europea, as Plataformas Tecnolóxicas Europeas: EUMAT, SUSCHEM, MANUFUTURE, e EMIRI, a Iniciativa Industrial de Materiais Enerxéticos, uniron forzas para preparar un primeiro borrador da Folla de Ruta dos Materiais 2030.
Entre outros contidos, no borrador propóñense unha serie de actuacións futuras e identifícanse as Áreas Prioritarias de Investigación en Materiais, orientadas cara a 9 mercados:
- Sanitario e Médico.
- Construción Sostible.
- Novas Enerxías.
- Transporte Sostible.
- Coidados Persoais e Fogar.
- Envases Sostibles.
- Agricultura Sostible.
- Téxtil Sostible.
Pódese consultar a folla de ruta na seguinte ligazón.
|
|
|
|
Gravación e presentacións da xornada: O Acelerador do EIC en 2022: novidades, fondo de investimento e servizos de coaching. |
|
Xa están dispoñibles as gravacións e presentacións da xornada do pasado 28 de xuño O Acelerador do EIC en 2022: novidades, fondo de investimento e servizos de coaching, organizada pola Axencia Galega de Innovación en colaboración co CDTI e o resto de socios do consorcio EEN-GalacteaPlus da Enterprise Europe Network.
Presentacións
Vídeo da xornada
|
|
|
|
|
|