CONVOCATORIAS |
|
Convocatoria - Concurso myEUspace
|
|
O obxectivo do concurso é apoiar o desenvolvemento de solucións comerciais innovadoras, como aplicacións móbiles ou solucións baseadas en hardware, que aproveiten os datos espaciais da UE de Galileo e/ou Copernicus.
Os aspirantes poden participar no concurso cunha:
- Idea (convocatoria xa pechada)
- Prototipo. O TRL esperado é TRL4-TRL7. Os 10 primeiros clasificados recibirán un premio por importe de 30.000 euros
- Produto. O TRL esperado é TRL8-TRL9. Os 5 primeiros clasificados recibirán un premio por importe de 100.000 euros
Cada equipo participante proporá unha solución dirixida a unha das seguintes áreas de innovación:
- Solucións para o consumidor como aplicacións móbiles, wearables, drons ou robótica que abordarán os principais desafíos sociais en áreas como a saúde, a seguridade, o entretemento, os deportes e o turismo.
- Solucións que aborden retos ambientais e a transformación ecolóxica das empresas. As solucións propostas abordarán retos sociais en áreas como a conservación dos ecosistemas, a mobilidade verde, a agricultura sostible e a xestión da enerxía e dos recursos.
- Solucións Deep Tech que combinan datos espaciais da UE con tecnoloxías como a intelixencia artificial, tecnoloxías cuánticas, Blockchain, metaverso, realidade aumentada, realidade mixta, realidade virtual. As solucións propostas abordarán os principais desafíos sociais en áreas como a biotecnoloxía, a tecnoloxía médica, etc.
|
|
Data de peche concurso prototipo: 10 febreiro de 2023. |
Data de peche concurso produto: 25 abril de 2023. |
|
Máis información |
|
|
Convocatoria - BIOMAT - Materiais compostos de base nano-biolóxica |
|
O proxecto europeo BIOMAT acaba de lanzar a súa primeira convocatoria para apoiar ás empresas interesadas en materiais compostos de base nano-biolóxica. BIOMAT presta servizos de transferencia de tecnoloxía e apoia o desenvolvemento, testeo e escalado da innovación en espumas de bio poliuretano.
BIOMAT contará con dúas convocatorias, unha entre xaneiro e marzo, e unha segunda entre maio e xullo de 2023, e está aberta a empresas da industria do poliuretano dos sectores da construción, edificación, automoción, mobiliario e acolchados.
Pódese obter máis información na web do proxecto e contactando co Intituto Tecnolóxico de Galicia mediante o correo agua@itg.es.
|
|
|
|
Convocatoria - SURE 5.0 - Transformación dixital nos sectores do Transporte e Automoción, Aeroespacial, Defensa e Electrónica |
|
O centro tecnolóxico AIMEN e o cluster CEAGA veñen de anunciar o lanzamento de axudas de ata 50.000 euros para pemes interesadas en impulsar a súa propia transformación dixital. Esta liña de axudas está organizada pola iniciativa SURE5.0, na que participan as 2 entidades, e conta con financiamento da Comisión Europea. Trátase da primeira dunha serie de convocatorias que poñerán á disposición das empresas un total de 2,6 millóns de euros.
O prazo para solicitar as axudas permanecerá aberto ata o vindeiro 1 de marzo e as solicitudes deben centrarse na mobilidade (transporte e automoción), sector aerospacial, defensa e a electrónica. Ao utilizar a convocatoria o mecanismo de “financiamento en cascada”, o proceso de presentación de propostas segue un modelo simplificado orientado a facilitar a participación de calquera empresa, por moi pequena que sexa.
Pódese obter máis información na web do proxecto ou ben contactando directamente con CEAGA e AIMEN (help@sureproject.eu).
|
|
|
|
Convocatoria - PRIMA 2023 |
|
O proxecto PRIMA financiado polo programa Horizonte 2020, acaba de publicar as súas convocatorias de proxectos de innovación para o ano 2023 nos seguintes temas:
- Plans adaptativos integrados de xestión de augas residuais na rexión mediterránea, orzamento: 8,2 millóns de euros
- Actuacións para restaurar e devolver terras degradadas da rexión mediterránea a agroecosistemas produtivos, orzamento: 8,2 millóns de euros
- Aumento da resiliencia da cadea de subministración agroalimentaria (cereais) na rexión MENA, orzamento: 8,2 millóns de euros
- Xestión intersectorial de recursos hídricos, enerxéticos e alimentarios, orzamento: 8,2 millóns de euros
- Premios á implementación exitosa de prácticas de xestión dos recursos hídricos, enerxéticos e alimentarios, orzamento: 40.000 euros
- Varios temas: novos modelos de gobernanza na xestión da auga, explotacións neutras en carbono, avaliación de novos materiais de envasado, orzamento: 36,1 millóns de euros
Pódese atopar máis información nas presentacións sobre as convocatorias do Infoday que tivo lugar o pasado 19 de xaneiro.
|
|
Data de envío pre-propostas: 22 e 29 de marzo de 2023. |
Data de envío proposta completa: 6 e 13 de setembro de 2023. |
|
Máis información
|
|
|
|
Convocatorias - Clúster 6 - Alimentación, Bioeconomía, Recursos Naturais, Agricultura e Medio Ambiente |
|
Dende o mes de decembro de 2022 están abertas varias convocatorias do Clúster 6 - Alimentación, Bioeconomía, Recursos Naturais, Agricultura e Medio Ambiente cun orzamento global de case 900 millóns de euros:
- Biodiversidade e servizos dos ecosistemas. 18 convocatorias, orzamento: 184 millóns de euros
- Economía circular e bioeconomía. 14 convocatorias, orzamento: 178,5 millóns de euros
- Ambiente limpo e cero contaminación. 9 convocatorias, orzamento: 79,5 millóns de euros
- Sistemas alimentarios xustos, sans e respectuosos co medio ambiente dende a produción primaria ata o consumo . 20 convocatorias, orzamento: 196,5 millóns de euros
- Gobernanza innovadora, observacións ambientais e solucións dixitais en apoio ao Green Deal . 22 convocatorias, orzamento: 130 millóns de euros
- Terra, océanos e auga para a acción climática. 8 convocatorias, orzamento: 90 millóns de euros
- Comunidades rurais, costeiras e urbanas resilientes, inclusivas, saudables e verdes . 6 convocatorias, orzamento: 38,5 millóns de euros
|
|
Data de peche: 28 de marzo e 12 de abril de 2023. |
|
Máis información
|
|
|
|
Convocatoria - ERANET sobre materias primas ERA-MIN3 |
|
A ERANET ERA-MIN 3 publicou unha nova convocatoria para financiar proxectos transnacionais de investigación e innovación sobre materias primas. A Axencia Estatal de Investigación destina 500.000 euros para dita convocatoria.
As propostas de proxectos pódense presentar baixo algunha das seguintes prioridades temáticas:
- Subministración de materias primas dende a exploración ata a minería
- Fortalecemento da economía circular
- Transformación, produción e TIC
- Avaliación ambiental, clima e desenvolvemento de políticas para a sustentabilidade
- Sostibilidade social en saúde, seguridade e percepción pública
Para coñecer as condicións nacionais de participación, especialmente as incompatibilidades, é importante consultar os anexos nacionais dos compoñentes do consorcio.
|
|
Data de peche: 30 de marzo de 2023. |
|
Máis información
|
|
|
|
|
|
|
Convocatorias - Horizonte Europa - Saúde
|
|
A Axencia Executiva Europea de Saúde e Dixital (HADEA) acaba de publicar 29 convocatorias de propostas no ámbito da sáude cun orzamento global de 847 millóns de euros agrupadas en 6 destinos:
|
|
Data de peche: 13 de abril de 2023. |
|
Máis información |
|
|
Convocatoria - Clean Hydrogen Partnership |
|
A asociación Clean Hydrogen Partnership abrirá próximamente as súas convocatorias de propostas de proxectos de investigación sobre hidróxeno. A convocatoria conta cun orzamento global de 195 millóns de euros para proxectos de vangarda en tecnoloxías de hidróxeno nas seguintes temáticas:
- Produción de Hidróxeno Renovable. 7 convocatorias, orzamento: 49 millóns de euros
- Almacenamento e distribución de hidróxeno. 5 convocatorias, orzamento: 36 millóns de euros
- Transporte. 3 convocatorias, orzamento: 25,5 millóns de euros
- Calor e Electricidade. 4 convocatorias, orzamento: 19 millóns de euros
- Transversais. 3 convocatorias, orzamento: 7,5 millóns de euros
- Vales de Hidróxeno. 2 convocatorias, orzamento: 38 millóns de euros
- Reto de investigación estratéxica. 2 convocatorias, orzamento: 20 millóns de euros
Pódese atopar máis información sobre o alcance e os detalles das actividades da asociación para o ano 2023 no Programa de traballo anual da Clean Hydrogen Partnership
|
|
Data de peche: 18 de abril de 2023.
|
|
Máis información
|
|
|
Convocatorias - Misións da UE |
|
A Comisión acaba de abrir novas convocatorias cun orzamento global de máis de 600 millóns de euros para apoiar a investigación e a innovación no marco das cinco misións da UE:
Convocatorias de misións conxuntas:
- Océano-Solo. Orzamento: 16 millóns de euros. Data de peche: 20 de setembro de 2023
- Clima-Océano-Solo. Orzamento: 15 millóns de euros. Data de peche: 20 de setembro de 2023
- Cidades-Clima. Orzamento: 40 millóns de euros. Data de peche: 27 de abril de 2023.
|
|
Máis información
|
|
|
Convocatoria - ERC Advanced Grant 2023 |
|
Xa está aberto o prazo para a presentación de propostas á convocatoria ERC Advanced Grants 2023 para financiar proxectos de investigadores excelentes con máis de 10 anos de experiencia dende a finalización do doutoramento e cunha traxectoria profesional de logros científicos significativa. Dentro deste esquema de financiamento, as subvencións poden alcanzar os 3,5 millóns de euros durante un máximo de 5 anos.
Desde a Axencia Galega de Innovación, a través do programa Oportunius, ofrecemos un servizo de asesoramento para a presentación de candidaturas a todos os investigadores que queiran desenvolver a súa investigación nalgunha institución de Galicia.
|
|
Data de peche: 23 de maio de 2023. |
|
Máis información
|
|
|
|
EVENTOS |
|
|
Convocatorias do Clúster 6: Alimentación, Bioeconomía, Recursos Naturais, Agricultura e Medio Ambiente e Clúster 5: Clima
|
|
Santiago & Online, 3 de febreiro 2023 |
|
European Framework Programme for R&I - Innovation Fund Synergies Workshop |
|
Online, 8 febreiro 2023 |
|
EU Techbridge Matchmaking |
|
Online, 9 - 28 febreiro 2023 |
|
Innovent Forum 2023 – Matchmaking Event |
|
Larissa (Greece) & Online, 10-12 febreiro 2023 |
|
Foro Transfiere
|
|
Málaga, 15-17 febreiro 2023 |
|
BRNO INDUSTRY 4.0 matchmaking conference - B2B 2023 |
|
Online, 16 febreiro 2023 |
|
FinDrones 2023 Matchmaking
|
|
Online, 21-23 febreiro 2023 |
|
XXVI International water and environment exhibition. SMAGUA 2023 - Brokerage Event
|
|
Zaragoza, 7-8 marzo 2023 |
|
|
NOVAS |
|
Preanuncio da primeira convocatoria da Sustainable Blue Economy Partnership |
|
A Sustainable Blue Economy Partnership é unha asociación cofinanciada por Horizonte Europa que pretende dar un paso importante na transformación da economía azul, implementando e supervisando seis convocatorias de propostas de proxectos de investigación e innovación durante un período de sete anos.
A primeira convocatoria de propostas abrirá no mes de febreiro de 2023 e as súas áreas de intervención serán as seguintes:
- Xemelgos Dixitais Oceánicos a escala submarina
- Estruturas mariñas da xeración azul
- Planificación e xestión dos usos do mar
- "Comida azul" saudable baixo o enfoque "Unha saúde".
- Posibilitando a transición verde da produción de "Comida azul"
|
|
Máis información
|
|
|
Gravacións dos Infodays das convocatorias 2023-2024
|
|
Xa están dispoñibles as gravacións e presentacións dos diferentes Infodays que tiveron lugar nos meses de decembro e xaneiro sobre as convocatorias do periodo 2023-2024 de Horizonte Europa:
|
|
|
|
Consulta pública sobre o pasado, presente e futuro dos programas marco europeo de investigación e innovación 2014-2027 |
|
Últimos días para participar na consulta pública sobre o pasado, presente e futuro dos programas marco de I+D+i da Unión Europea.
|
|
Participa na consulta
|
|
|
|
|