Convocatorias do CL3 de Horizonte Europa

O 12 de xullo presentaranse as oportunidades de financiamento 2023-2024, as condicións e detalles para participar, así como casos de éxito da convocatoria Clúster 3 "Seguridade Civil para a Sociedade" de Horizonte Europa. Estas convocatorias ademais de ser de interese para entidades relacionadas directamente coa seguridade, incluíndo a ciberseguridade, tamén o son para empresas e persoal investigador que desenvolvan solucións de aplicación ao sector da seguridade. As entidades poderán manter unha reunión bilateral cos puntos nacionais de contacto do Clúster 3 previa solicitude no formulario de inscrición.

Preparación de propostas ao Partenariado de Pemes Innovadoras

O 20 de xullo presentaranse os aspectos clave para a preparación de propostas á convocatoria do Programa EUROSTARS-3, orientado a apoiar proxectos de I+D colaborativos transnacionais entre pemes e informarase sobre a terceira convocatoria do Programa InnoWide, que apoia a pemes innovadoras de calquera sector que busquen iniciar negocios e mercados fóra de Europa. As entidades que o soliciten no formulario de inscrición, poderán manter unha reunión bilateral cos técnicos do CDTI.

Na súa primeira convocatoria de propostas de proxectos, ICAERUS, outorgará axudas de ata 60.000 euros a 4 entidades para levar a cabo proxectos co obxectivo de entregar e explotar conxuntos de datos relacionados con drons para avaliar hipóteses tecnolóxicas e non técnicas.

Os premios de 10.000, 7.500 e 5.000 euros outórganse a mulleres innovadoras que teñan un papel destacado no desenvolvemento de solucións que se axusten a unha das seguintes áreas:

• Sistemas de produción flexibles para a fabricación competitiva
• Sistemas de baixa pegada ambiental e economía circular para a fabricación verde
• Solucións dixitais e colaborativas para ecosistemas de fabricación innovadores
• Co-traballo humano-máquina para unha fabricación socialmente sostible

A través da súa primeira convocatoria de proxectos financiaranse pemes ou microconsorcios compostos por 2 pemes, que aborden nos seus proxectos probas de rendemento ou o desenvolvemento de dispositivos ou solucións orientadas a provedores de tecnoloxía e casos de uso aplicables a só un tema nunha das seguintes áreas: Fabricación, Enerxía, Automoción e Construción.

A través da convocatoria espérase a selección de 50 pemes que recibirán un financiamento de ata 60.000 euros

A través da súa segunda convocatoria de propostas de proxectos, EMIL, proporcionará financiamento de entre 250.000 e 500.000 euros por proxecto seleccionado, cunha duración indicativa de 15 meses, a proxectos de desenvolvedores tecnolóxicos, innovadores de medios, pemes, universidades e outros que permitan novas formas de narración creativa e interacción a través de tecnoloxías multimedia inmersivas.

O proxecto invita a presentar propostas, especialmente para áreas relacionadas coas competencias fundamentais dos socios do consorcio e os catro proxectos Lighthouse ainda que tamén se considerarán propostas non directamente relacionadas:

• Interfaces hápticas portátiles para XR
• Exergaming afectivo en contornas virtuais
• RA espacial orientado a grupos
• Producións de medios narrativos inmersivos, incluíndo experiencias baseadas na localización (LBX)

• A instalación de sensores para supervisar os parámetros críticos de control en tempo real.
• A integración e implantación de sensores na infraestrutura existente.
• A xestión e análise intelixente de datos, para converter os datos en información e, eventualmente, en acción e interoperabilidade entre empresas alimentarias e na cadea de valor alimentaria.

A convocatoria conta cun orzamento de 900.000 euros e as pemes seleccionadas recibirán financiamento de ata 60.000 euros polos seus proxectos de 12 meses de duración.

Os beneficiarios recibirán unha subvención de ata 8.000 euros para facilitar a transferencia e a ampliación do coñecemento mediante unha serie de visitas e reunións en liña e presenciais entre os participantes. O foco céntrase nos provedores de saúde e coidados locais, rexionais e nacionais en Europa que desexen adoptar solucións innovadoras (Twinning Adopter) que están dispoñibles para a súa transferencia doutro provedor local, rexional e nacional de saúde e atención en Europa (Twinning Originator).

Esta competición recompensará no Cumio do Consello Europeo de Innovación en marzo de 2024 a 9 mulleres innovadoras que fundasen unha empresa innovadora con polo menos 2 anos de antigüidade nas seguintes categorías:

• Mulleres innovadoras: dirixida a todas as mulleres innovadoras máis talentosas de toda a UE e os países asociados. A gañadora recibirá 100.000 euros e as finalistas 70.000 e 50.000 euros.
• Innovadoras en ascenso: dirixida a mulleres menores de 35 anos. A gañadora recibirá un premio de 50.000 euros e as finalistas 30.000 e 20.000 euros.
• Liderado feminino do EIT: dirixida a mulleres cunha ligazón directa á Comunidade EIT ou a unha das Comunidades de Coñecemento e Innovación existentes. A gañadora recibirá un premio de 50.000 euros, e as finalistas 30.000 e 20.000 euros.

As convocatorias teñen un orzamento total de 19,96 millóns de euros.

Oportunius ofrece, entre outras actuacións, asesoramento na preparación e revisión de propostas, así como orientación na redacción e presentación das candidaturas, servizos dispoñibles a través da web Programa Oportunius – Axencia Galega de Innovación. Ademais, organiza periodicamente talleres prácticos de preparación de propostas.

O 10 de xullo celebrarase un taller online de preparación de propostas centrado na convocatoria Starting Grants 2024.

No taller participarán ademáis da National Contact Point ERC da FECYT, Elena Pazos, do Centro Interdisciplinar de Qúimica e Bioloxía – CICA da Universidade da Coruña, beneficiaria dunha Starting Grant en 2019; así como María Gómez-Reino, de ECONET, empresa con longa experiencia na preparación e asesoramento de candidaturas ao ERC.

Para calquer consulta pódese contactar no teléfono 981 337 115 ou no enderezo electrónico oportunius.gain@xunta.gal

Programa da xornada (pdf)

Formulario de inscrición

A convocatoria que conta cun orzamento de 40 millóns de euros abranguerá os seguintes temas de investigación non exclusivos:

• Sinerxías e intercambios de solucións baseadas na natureza no contexto do benestar humano
• Solucións baseadas na natureza para mitigar os motores antropoxénicos da perda de biodiversidade
• A contribución de solucións baseadas na natureza para un cambio transformador xusto

O 26 de setembro celebrarase un webinario sobre a convocatoria.

• Gravacións 2 de xuño
• Gravacións 7 de xuño