Estes novos servizos, que prestará a Axencia, están dirixidos a pemes, con dous tipos de perfís:

• Pemes sen experiencia en proxectos europeos.
• Pemes con experiencia en proxectos europeos como socios e que desexen dar o paso a liderar un proxecto.

As empresas interesadas en acceder a estes servizos deberán solicitalo a través dunha canle específica que porá á súa disposición a Axencia Galega de Innovación. Coas solicitudes recibidas, realizarase unha valoración inicial das capacidades, recursos e experiencia de cada empresa. Baseados nesta análise, proporanse itinerarios personalizados con actuacións como:

• Capacitación e asesoramento sobre as convocatorias europeas: mecanismos, recursos para apoiar a participación, elaboración de propostas, etc.
• Participación en eventos europeos centrados en facilitar a constitución de partenariados e propostas (brokerage, matchmaking)
• Participación en actividades das redes europeas (EEN, ERRIN, Vanguard...) das que forma parte a Axencia
• Análise e orientación inicial de ideas de proxecto, valorando o seu encaixe cos programas europeos e convocatorias específicas

Paralelamente, informarase dunha nova xeración de apoios, cofinanciados a través de fondos FEDER, orientados principalmente ás pemes galegas e ao programa marco de I+D+i Horizonte Europa, pero sen descartar outros programas. Estas axudas estarán orientadas a:

• apoiar a preparación de propostas de calidade que melloren a participación galega e o retorno acadado
• o posible cofinanciamento de actuacións estratéxicas para Galicia completando o financiamento recibido
• o financiamento de propostas de calidade que non recibiron financiamento por insuficiencia de crédito a través de mecanismos de rescate de selos de excelencia ou similares

A través das canles habituais, informaremos de cando vos podedes inscribir e consultar o programa da xornada de presentacion.

Temas da convocatoria 4 (en dúas fases):

• Ampliación do coñecemento traslacional en minipigs: un camiño para reducir e substituír os primates non humanos na avaliación non clínica da seguridade. HORIZON-JU-IHI-2023-04-two-stage
• Recollida de mostras de sangue centrada no paciente para permitir ensaios clínicos descentralizados e mellorar o acceso á atención sanitaria HORIZON-JU-IHI-2023-04-two-stage
• Estudos clínicos inclusivos para o acceso equitativo á investigación clínica en Europa. HORIZON-JU-IHI-2023-04-two-stage
• Establecemento de novos enfoques para mellorar os ensaios clínicos de enfermidades raras e ultrararas. HORIZON-JU-IHI-2023-04-two-stage
• Envases seguros e sostibles de deseño (SSbD) e solucións de dispositivos dun só uso para produtos sanitarios. HORIZON-JU-IHI-2023-04-two-stage
• Desenvolvemento circular sostible e fabricación de produtos sanitarios e a súa avaliación cuantitativa de impacto ambiental. HORIZON-JU-IHI-2023-04-two-stage

Temas da convocatoria 5:

• Acelerar a implementación de Metodoloxías de Novo Enfoque e outros enfoques innovadores sen animais para o desenvolvemento, proba e produción de tecnoloxías sanitarias. HORIZON-JU-IHI-2023-05-01
• Desenvolvemento e proba de principio de novas aplicacións clínicas de solucións teranósticas. HORIZON-JU-IHI-2023-05-02
• Enfoques mellorados de predición, detección e tratamento para o manexo integral de accidentes cerebrovasculares. HORIZON-JU-IHI-2023-05-03
• Maximizando o potencial de xeración de datos sintéticos en aplicacións de saúde. HORIZON-JU-IHI-2023-05-04.

A convocatoria de Biodiversa+, BiodivNBS, apoiará a investigación transdisciplinar, interdisciplinar e intersectorial sobre a biodiversidade en todos os ámbitos (terrestre, acuático, mariño, costeiro, etc.) para coñecer mellor os puntos de inflexión, as compensacións e os mecanismos socioecolóxicos que afectan ás solucións baseadas na natureza (NBS), así como á súa implantación exitosa. A AEI e a Fundación Biodiversidade contan cun orzamento de 2,1 millóns de euros para o financiamento dos organismos de investigación e o CDTI conta con 300.000 euros para o financiamento das empresas. As condicións de participación pódense consultar aquí.

A convocatoria de Water4All, Servizos dos ecosistemas acuáticos está centrada nos ecosistemas acuáticos e apoiará a investigación e a innovación co obxectivo de mellorar a seguridade da auga a longo prazo e ter unha mellor comprensión do estado dos servizos dos ecosistemas a diferentes escalas espaciais e temporais, factores de presión subxacentes e integración na xestión dos recursos hídricos. A AEI conta cun orzamento de 1,5 millóns de euros para o financiamento dos organismos de investigación e o CDTI conta con 1,2 millóns de euros para o financiamento das empresas. As condicións de participación pódense consultar aquí.

A convocatoria de DUT 2023 apoia a investigación e a innovación que explore enfoques de planificación e deseño que integren a natureza no parque edificatorio existente das nosas cidades. Ademais, céntrase no deseño coa natureza, co obxectivo de reducir o impacto ambiental da urbanización, restaurar e rexenerar os ecosistemas urbanos e favorecer a habitabilidade urbana. A AEI conta cun orzamento de 1,2 millóns de euros para o financiamento dos organismos de investigación e o CDTI conta con 1,2 millóns de euros para o financiamento das empresas. As condicións de participación pódense consultar aquí.

EuroBoosTEX: apoiar a adopción de procesos e tecnoloxías por parte das pemes para garantir unha maior sustentabilidade e/ou conectividade na súa cadea de valor textil. Axuda de 60.000 euros por proxecto de dúas pemes (2 pemes téxtiles ou 1 peme téxtil e 1 fabricación avanzada). A data límite é o 8 de novembro de 2023.

SocialTech4EU: apoio financeiro ás empresas sociais para que realicen un estudo de viabilidade, en colaboración con provedores de innovación, para o desenvolvemento dun proxecto de innovación. Axuda de ata 20.000 euros por empresa. A data límite é o 18 de outubro de 2023.

POLREC: apoio financeiro ás pemes das industrias de plásticos, cauchos e compostos na reciclaxe dos seus residuos de polímeros a través de 3 subtemas: reciclaxe química, reciclaxe mecánica e dixitalización. Axuda de 30.000 euros por peme, 20.000 euros para subtema dixitalización. A data límite é o 31 de outubro de 2023.

GEMSTONE-GreenAdopt: apoia a adopción de solucións intelixentes verdes por parte das pemes industriais europeas. Axuda de ata 40.000 euros por proxecto. A data límite é o 31 de outubro de 2023.

GEMSTONE-GreenInnov: apoia o desenvolvemento dunha nova tecnoloxía, servizo, produto ou proceso de produción ecolóxico con foco na creación de prototipos nunha contorna industrial. Axuda de ata 60.000 euros por proxecto. A data límite é o 31 de outubro de 2023.

SUSTAIN apoio para desenvolver novos produtos, servizos ou métodos que aborden os desafíos da construción de edificios intelixentes. Axuda de 30.000-50.000 euros por proxecto. A data límite é o 1 de novembro de 2023.

DESIRE diríxese a proxectos innovadores nos mercados de saúde electrónica e saúde dixital. Axuda de ata 30.000 euros por peme en financiamento directo e servizos. A data límite é o 13 de novembro de 2023.

• Abordar o baixo nivel de preparación e a falta de estándares na investigación (soberanía alimentaria e de datos).
• Abordar a mala comprensión dos dereitos dos datos e da utilización entre os cidadáns.
• Reunir aos diferentes actores para desenvolver estándares de privacidade de datos.

• Xerador de avatares en tempo de execución.
• Xerador de obxectos 3D.
• Recoñecemento facial que preserva a privacidade.
• Recoñecemento automático de fala multilingüe.
• Empatía artificial.
• Identificación de líderes de opinión.

O programa de aceleración dirixido a pemes que operen nas cadeas de valor da mobilidade (transporte e automoción), sector aerospacial, defensa e a electrónica ademáis de ofrecer diversos servizos de apoio dirixidos a facilitar a súa dixitalización, financiará con ata 50.000 euros a implementación do seu plan de transición dixital.

• Tecnoloxías de corrente continua para redes eléctricas
• Flexibilidade do sistema enerxético: produción, almacenamento e integración de sistemas renovables
• Tecnoloxías avanzadas de enerxías renovables para a produción de enerxía
• Captación, utilización e almacenamento de carbono (CCUS)
• Hidróxeno e combustibles renovables
• Tecnoloxías de calefacción e refrixeración
• Tecnoloxías de enerxía xeotérmica
• Sistemas enerxéticos rexionais integrados
• Sistemas enerxéticos industriais integrados
• Integración das enerxías limpas no medio construído

O orzamento do CDTI Innovación para as empresas españolas interesadas en participar na convocatoria é de 1,5 millóns de euros.

O orzamento da Axencia Estatal de Innovación para os organismos de investigación interesados en participar na convocatoria é de 1,7 millóns de euros.

Na seguinte ligazón pódense consultar as condicións de participación dos socios españois.

A convocatoria ten dúas datas de peche:

• Propostas previas: 22 de novembro de 2023.
• Propostas completas: 27 de marzo de 2024.

Plataforma para busca de socios: https://clean-energy-transition-partnership-2023.cetp.b2match.io/home

A convocatoria Consolidator Grant está indicada para persoal investigador con 7 a 12 anos de experiencia dende a finalización do seu doctorado, cun historial científico que amose a súa valía, cunha excelente proposta de investigación e que queira consolidar a súa independencia creando un equipo de investigación.

O financiamento estándar é de ata 2 millóns de euros durante un período de 5 anos.

Desde a Axencia Galega de Innovación, a través do programa Oportunius, ofrecemos un servizo de asesoramento para a presentación de candidaturas a todos os investigadores que desenvolvan a súa investigación nalgunha institución de Galicia.

Data de peche Consolidator Grant: 12 de decembro de 2023.

• DIGITAL-2023-CLOUD-DATA-AI-05-CULTHERITAGE: Espazo de datos para o patrimonio cultural. 4 millóns de euros
• DIGITAL-2023-CLOUD-DATA-AI-05-DATATOURISM: Espazo de datos para o turismo. 8 millóns de euros.

• 05/10: Buscar oportunidades e presentar unha proposta en Horizonte Europa.
• 17/10: Preparación do acordo de subvención en Horizonte Europa.
• 24/10: Xestión da subvención en Horizonte Europa.