Convocatorias para a industria

O 3 de novembro presentaranse as oportunidades de financiamento 2023-2024, as condicións e detalles para participar, así como casos de éxito das convocatorias abertas na área de industria do Clúster 4 de Horizonte Europa.

Na xornada contaremos coa presenza de Carlos Toledo, Punto Nacional de Contacto do Clúster 4, que ademais de presentar o programa e as convocatorias estará dispoñible para manter reunións bilaterais coas entidades interesadas previa solicitude no formulario de inscrición.

Convocatorias para aeronáutica, naval automoción e espazo

O 15 de novembro analizarase a situación do sector aeronáutico en Galicia e as axudas europeas para proxectos relacionados cos UAS. Por outro lado e de maneira paralela, profundizarase nos partenariados Horizonte Europa e nas convocatorias relacionadas coa mobilidade para o ano 2024. Nesta última sesión tamén se expoñerá unha idea de proxecto para que os participantes poidan recibir consellos de participación en convocatorias deste ámbito.

• Destino 1 - Clima neutro, produción circular e dixitalizada. 11 convocatorias cun orzamento de 288 millóns de euros, está orientado a lograr a neutralidade climática do sector industrial europeo para 2050 e facer que os procesos industriais sexan máis eficientes e sostibles.
• Destino 2 - Aumento da autonomía nas cadeas de valor estratéxicas clave para a industria resiliente. 9 convocatorias cun orzamento de 222,20 millóns de euros, céntrase en mellorar a flexibilidade da base industrial da UE e aumentar a súa resiliencia reducindo a dependencia da UE de terceiros países para as materias primas e tecnoloxías críticas.

• Biodiversidade e servizos dos ecosistemas. 12 convocatorias sobre: dependencia da sociedade e da economía dos polinizadores, solucións baseadas na natureza, cría selectiva para a acuicultura ecolóxica, especies exóticas invasoras, etc. Orzamento: 111 millóns de euros
• Sistemas alimentarios xustos, sans e respectuosos co medio ambiente dende produción primaria ata o consumo. 18 convocatorias sobre: prevención do desperdicio de alimentos seguridade alimentaria, loita contra a fraude alimentaria sistemas gandeiros agro-pastorais e xestión da fauna,alimentos orgánicos sostibles, pesquerías resistentes, etc. Orzamento: 164 millóns de euros
• Sectores de economía circular e bioeconomía. 16 convocatorias sobre: circularidade nas cadeas de valor de produtos electrónicos, plásticos e téxtiles, solucións circulares innovadoras para mobles, etc. Orzamento: 147,5 millóns de euros
• Ambiente limpo e cero contaminación. 5 convocatorias sobre: impactos ambientais dos sistemas alimentarios, enfoques holísticos para controlar a calidade da auga nas áreas urbanas, etc. Orzamento: 61 millóns de euros
• Terra, océano e auga para a acción climática. 7 convocatorias sobre: Paludicultura, prácticas e tecnoloxías de rega na agricultura, uso climáticamente intelixente da madeira no sector da construción, etc. Orzamento: 75 millóns de euros
• Comunidades rurais, costeiras e urbanas resilientes, inclusivas, saudables e verdes. 5 convocatorias sobre: percepcións sociais e beneficios da vida e dos traballos rurais, novos modelos de negocio e produción sostibles para agricultores e comunidades rurais. Orzamento: 37 millóns de euros
• Gobernanza innovadora, observacións ambientais e solucións dixitais en apoio ao Green Deal. 12 convocatorias sobre: redes de asesoramento sobre sistemas forestais e gandeiros sustentables; redes temáticas sobre biodiversidade e agricultura ecolóxica, etc. Orzamento: 110,5 millóns de euros

Para facilitar a formación de consorcios a rede de NCPs creou unha plataforma de matchmaking dispoñible na seguinte ligazón.

• Democracia e Gobernanza 12 convocatorias sobre: goberno nas transicións dixital e verde, estado de dereito e resultados socioeconómicos, identidades políticas, xénero nos movementos extremistas, etc. Orzamento: 95 millóns de euros
• Transformacións Sociais e Económicas 11 convocatorias sobre: a soidade en Europa, equidade económica, creación de emprego, servizos sociais, novo mundo do traballo, IA amigable para as persoas, conciencia cultural na educación, etc. Orzamento: 96 millóns de euros

A convocatoria conta cun orzamento de 950.000 euros e financia con 150.000-300.000 euros consorcios multidisciplinares formados por 2-3 entidades. O nivel de TRL no momento da presentación debería ser un mínimo de 4 ou 5, e a tecnoloxía proposta debería ter o potencial de avanzar a TRL 7.

A convocatoria está dedicada a dar soporte a solucións de deseño que contribúan dunha forma innovadora e creativa á transición verde e dixital, á innovación e ao impulso do emprendemento en industrias creativas e de estilo de vida. As solucións deben estar nunha das áreas das industrias de estilo de vida como: téxtil/moda, calzado, mobiliario/decoración do fogar/deseño de interiores/arquitectura, pel/pelo, xoiería, complementos.

As entidades beneficiaranse de:

• Apoio económico (10.000, 15.000 ou 20.000 euros).
• Coaching para mellorar o nivel de preparación para o mercado.
• Dotación de vínculos profesionais e posicionamento no mercado entre os participantes e compradores, distribuidores, intermediarios financeiros, investidores e medios de comunicación mediante actividades de networking e participación en eventos internacionais e proporcionando vínculos con stakeholders.
• Facilitar o acceso ao mercado mediante a participación en dúas exposicións ou eventos relevantes (unha presencial e outra en liña) para mostrar os resultados dos proxectos.

• Innovación. Orzamento de 7,5 millóns de euros e 3 temáticas:
  • Optimización dos procesos produtivos e aumento da eficiencia dos recursos mediante solucións dixitais (xemelgos dixitais, solucións de intelixencia artificial, etc.)
  • Fabricación socialmente sostible e centrada no ser humano (intelixencia artificial, realidade virtual e aumentada, etc.)
  • Fabricación ambientalmente sostible mediante modelos de negocio circulares e novas tecnoloxías

• EIT RIS. Orzamento de 1 millón de euros e 2 temáticas:

  • Transición xusta, verde e dixital para as pemes dos países EIT RIS
  • Adoptar a innovación Deep Tech nos países EIT RIS

• Formación. Orzamento de 4,75 millóns de euros e 3 temáticas:

  • Sostibilidade: habilidades para identificar e aplicar tecnoloxías habilitantes para a fabricación sostible
  • Dixitalización: identificación e desenvolvemento de habilidades para definir e executar unha folla de ruta de transformación dixital
  • Fabricación ambientalmente sostible mediante tendencias futuras de negocios circulares: perfeccionamento e capacitación na re-fabricación e recursos críticos para a economía circular e as novas tecnoloxías

A convocatoria que conta cun orzamento de 96,6 millóns de euros financia programas rexionais, nacionais e internacionais de formación e desenvolvemento profesional, a través de mecanismos de cofinanciamento. Os proxectos deben durar ata 5 anos e deben contratar polo menos 3 investigadores. Un beneficiario pode recibir un máximo de 10 millóns de euros por convocatoria.

Os proxectos MSCA COFUND poden adoptar a forma de:

• Programas de doutoramento. Ofrecen actividades de formación en investigación para que os doutorandos poidan desenvolver e ampliar as súas habilidades e competencias. Darán lugar á concesión do título de doutor.
• Programas posdoutorais. Financian bolsas individuais de formación en investigación avanzada e desenvolvemento de carreira para investigadores posdoutorais.

Os proxectos MSCA Staff Exchange poden durar ata catro anos. A subvención financia a mobilidade do persoal en comisión de servizo desde un mes a un ano. O persoal implicado debe regresar ás súas organizacións de partida despois da comisión de servizos, para transmitir os seus coñecementos.

• Desenvolvemento de videoxogos e contidos inmersivos. Proxectos de desenvolvemento de videoxogos e contidos inmersivos interactivos con potencial para chegar a audiencias globais. Orzamento: 7 millóns de euros.
• Modelos de negocio e ferramentas innovadoras. Desenvolvemento e/ou a difusión de ferramentas e modelos de negocio innovadores para mellorar a visibilidade, audiencia e diversidade das obras europeas na era dixital. Orzamento: 8,5 millóns de euros
• Laboratorio de innovación Creativa. O laboratorio de innovación deberá apoiar o deseño, desenvolvemento e/ou difusión de ferramentas, modelos ou solucións innovadoras aplicables no audiovisual e outros sectores culturais e creativos cun alto potencial de replicabilidade neses sectores. Orzamento: 7,48 millóns de euros.
• Proxectos de cooperación europeos de pequena escala e mediana escala. Poderanse financiar proxectos de innovación de natureza tecnolóxica e artística dos sectores culturais e creativos e a súa competitividade. Orzamento: 59,73 millóns de euros