Unha vez rematado o prazo de execución en 2023, é o momento de facer balance do proxecto NAVEGANDO O FUTURO que nace co obxectivo de consolidar a transición tecnolóxica do sector naval mediante o fomento da vocación, a mellora da formación tecnolóxica e a microinnovación.
NAVEGANDO O FUTURO é un proxecto financiado con fondos FEDER no marco do Programa INTERREG POCTEP España – Portugal 2014 – 2020. Participaron ACLUNAGA, CATIM e a Axencia Galega de Innovación como beneficiario principal .
Ao longo do proxecto desenvolvéronse contidos para unha plataforma de formación en liña e impartíronse 8 Sesións Learning by Doing polo CIS TECNOLOXÍA E DESEÑO. A dúas delas asisten estudantes portugueses acompañados por persoal do CATIM. Un total de 139 alumnos e 18 profesores de diferentes especialidades de formación profesional relacionadas co sector, como Mecatrónica Industrial, Administración de Sistemas e Redes Informáticas ou Desenvolvemento de aplicacións multiplataforma, acudiron a estas xornadas formativas coas que mellorar o seu coñecemento das novas tecnoloxías.
Organizáronse dúas sesións de BOOTCAMP, unha en Galicia e outra en Portugal; e ademáis realizáronse guías técnicas sobre diferentes tecnoloxías de aplicación para o sector naval como soldadura robótica, realidade aumentada, lubricación hidrodinámica, fabricación aditiva, materiais avanzados, etc. mecanizado robótico, intelixencia artificial, internet de buques (IoS).
Para dar a coñecer todas as novidades do proxecto, púxose a disposición un vídeo final na canle VIMEO da Axencia Galega de Innovación e que se pode consultar na seguinte ligazón:
