| CONVOCATORIAS |
|
| Varias convocatorias Horizonte Europa abertas |
|
| A Comisión Europea ten abertas varias convocatorias do novo programa Horizonte Europa. Xa se poden presentar propostas en diversas áreas como as xestionadas pola Axencia Executiva de Investigación Europea (REA): Alimentación, bioeconomía, recursos naturais, agricultura e medio ambiente; Misión Saúde do solo e alimentos; Accións Marie Skłodowska-Curie; Seguridade civil para a sociedade; Infraestruturas de investigación; Ampliando a participación e difundindo a excelencia; Reformando e mellorando o sistema de investigación e innovación da UE; Cultura, creatividade e sociedade inclusiva.
|
|
|
| Anuncio do programa de traballo do ERC 2022 |
|
O novo programa de traballo do Consello Europeo de Investigación (ERC WP 2022) foi adoptado hai uns días. Inclúe máis de 2.400 millóns de euros para financiar a uns 1.100 científicos excelentes na UE e países asociados. Entre os aspectos máis destacados está a volta da convocatoria Synergy Grants (ERC-2022-SYG), que ofrece apoio a un grupo de 2 a 4 investigadores principais para abordar conxuntamente problemas de investigación ambiciosos que os investigadores individuais e os seus equipos non poderían abordar traballando sós. O programa tamén introduce varios cambios na forma que se espera que os solicitantes describan o seu historial científico. Despois dunha exitosa competición piloto en 2020, o ERC executará a 2ª edición do Premio ao compromiso público coa investigación. Os premios recoñecerán a tres gañadores ERC, cun premio de 10.000 € cada un, nas tres categorías: "Involve" para a ciencia cidadá, "Inspire" para a divulgación pública e "Influence" para os medios e as políticas.
Desde GAIN, a través do programa Oportunius, ofrecemos un servizo de asesoramento para a presentación de candidaturas a todos os investigadores que desenvolvan a súa investigación nalgunha institución de Galicia.
|
|
|
Máis información - ERC WP 2022
ERC-2022-SYG (Data de peche: 10/11/2021) |
|
| Primeiras convocatorias LIFE 2021 |
|
| O 13 de xullo abríronse as primeiras convocatorias do novo programa de Medio ambiente e Acción polo clima - LIFE 2021-2027, que inclúe catro subprogramas: Natureza e biodiversidade, Economía circular e calidade de vida, Mitigación e adaptación ao cambio climático e Transición a enerxías limpas. Está dispoñible moito material para guiar aos solicitantes. Pódense atopar sesións gravadas que inclúen presentacións sobre as convocatorias, criterios de avaliación, tipo de proxectos a financiar e como postularse con éxito. Tamén se pode atopar un manual en liña que guía en todos os pasos do proceso de solicitude, unha ferramenta de procura de socios e un documento coas preguntas máis frecuentes. O 8 e 9 de setembro haberá unha Sesión Questions&Answers para axudar aos solicitantes.
|
|
|
Máis información
Funding and Tenders Portal - LIFE |
|
| Convocatoria EIC Accelerator |
|
| Tras o lanzamento do Consello Europeo de Innovación (EIC), a Comisión abriu a primeira convocatoria do EIC Accelerator que ofrece subvencións para empresas emerxentes e pemes de ata 2,5 millóns de euros combinadas con investimentos de capital a través do Fondo EIC que van desde 500.000 a 15 millóns de euros. Ademais do apoio financeiro, todos os proxectos benefícianse dunha gama de servizos de aceleración empresarial que brindan acceso a expertos líderes, corporacións, investidores e outros actores do ecosistema. GAIN, en colaboración co resto de socios do consorcio Galactea-Plus da Enterprise Europe Network e co CDTI, organizaron a xornada en liña “¿Cómo presentar un proyecto de éxito al nuevo acelerador del EIC?”. A través desta ligazón pódese acceder ás presentacións e á gravación do evento.
|
|
| Próxima data de corte: 16 de outubro de 2021. |
|
| Máis información |
|
| Convocatoria Doctoral Networks MSCA DN 2021 |
|
| A Convocatoria Redes de Doutoramento (DN 2021) conta cun orzamento de máis de 400 millóns de euros. Ten como obxectivo o financiamento de consorcios internacionais, intersectoriais e interdisciplinares no marco dos que se contratará e formará a persoal investigador pre-doutoral. Estas redes buscan aumentar o atractivo e a excelencia da formación doutoral en Europa, promovendo a combinación adecuada de competencias científico-técnicas e transferibles. GAIN organizou a xornada “Presentación dos programas MSCA doctoral networks e Postdoctoral fellowships” onde tamén se presentou a convocatoria Postdoctoral Fellowships (PF) dirixida a investigadores cun doutorado. Nesta ligazón está dispoñible a presentación realizada por Jesús Rojo, Punto Nacional de Contacto. O próximo 7 de setembro celebrarase unha Sesión informativa centrada nos aspectos máis prácticos para preparación de propostas, relacionados cos diferentes criterios de avaliación e pautas para escribir unha proposta competitiva.
|
|
| Data de peche: 16 de novembro de 2021. |
|
| Convocatoria | Webinario (7 setembro) |
|
| Pre-anuncio da convocatoria ERA-Net ICRAD |
|
| A ERA-Net ICRAD acaba de anunciar a súa próxima convocatoria para o financiamento de proxectos de investigación transnacionais no campo da investigación sobre enfermidades infecciosas en animais denominada “One Health Approach to Zoonoses Research and Innovation”. O obxectivo desta convocatoria é aumentar a preparación e mellorar a capacidade de responder ás ameazas de enfermidades zoonóticas (re)emerxentes e contribuír a mellorar a saúde pública e animal. Isto farase a través de estudos que se centren na (re)emerxencia de patóxenos con potencial zoonótico, a comprensión das interaccións animal-hóspede- patóxeno e a resposta inmune, e mediante o desenvolvemento de plataformas de detección e prevención. España, a través da Axencia Estatal de Investigación, financiará ás entidades elixibles españolas que participen nos proxectos aprobados. É recomendable consultar o anexo nacional correspondente, xa que pode haber incompatibilidades.
|
|
| Data de apertura: 1 de outubro de 2021. |
|
| Máis información |
|
| EVENTOS |
|
| Digital-Science-Tech Hub for Innovations 2021 |
|
| Lviv & Online, 25-26 agosto 2021 |
|
| Webinar Q&A - 2022 ERC grant competitions |
|
| Online, 6 setembro 2021 |
|
| International Forum on Cybersecurity |
|
| Lille & Online, 7-9 setembro 2021 |
|
| B2B@ Digital Rail Convention 2021 |
|
| Annaberg-Buchholz & Online, 8 setembro 2021 |
|
| Virtual Riga Food Brokerage Event 2021 |
|
| Online, 8-10 setembro 2021 |
|
| Kunststoffenbeurs+Materials+Eurofinish+Surface Matchmaking 2021 |
|
| 's-Hertogenbosch & Online, 15-16 setembro 2021 |
|
| Digital ICT Week & ICT Spring |
|
| Luxemburgo & Online, 13-17 setembro 2021 |
|
|
|
|
|
|
| Connect4Geothermal conference and 1-1 meetings |
|
| Fribourg & Online, 21 setembro 2021 |
|
| TRAKO Business Days 2021 |
|
| Berlin-Brandenburg & Online, 21-23 setembro 2021 |
|
| TechInnovation 2021 |
|
| Online, 28-30 setembro 2021 |
|
| Meet in Italy for Life Sciences 2021 Brokerage Event |
|
| Génova & Online, 29 setembro - 1 outubro 2021 |
|
| FUTURE OF WORKWEAR - Expert talks (25-29 outubro) and long-term Matchmaking (1 out-30 nov) |
|
| Online, 1 outubro – 30 novembro 2021 |
|
| DRONFEST 2021 Matchmaking Event |
|
| Pilsen & Online, 2-4 outubro 2021 |
|
| Mobility Congress and B2B: Moving on! - 25 years and beyond |
|
| Graz, 13-14 outubro 2021 |
|
| AAL Forum 2021 |
|
| Trieste, 18-20 outubro 2021 |
|
| NOVAS |
|
| A Comisión investirá 14 700 millóns de euros de Horizonte Europa para unha Europa máis sa, máis verde e máis dixital |
|
|
| A Comisión adoptou o programa de traballo de Horizonte Europa para o período 2021-2022, que describe os obxectivos e áreas temáticas específicas que recibirán un financiamento total de 14.700 millóns de euros. Estes investimentos axudarán a acelerar as transicións ecolóxica e dixital e contribuirán á recuperación sostible da pandemia do coronavirus e á resistencia da UE fronte a crises futuras. Apoiarán aos investigadores europeos mediante bolsas, formación e intercambios, construirán ecosistemas de innovación europeos máis conectados e eficientes e crearán infraestruturas de investigación de primeiro nivel. Ademais, fomentarán a participación en toda Europa e en todo o mundo, e ao mesmo tempo fortalecerán o Espazo Europeo de Investigación.
|
|
| Máis información |
|
| Vídeos dos Horizon EU Info Days 2021 |
|
|
Do 29 de xuño ao 16 de xullo tiveron lugar os primeiros Horizon EU Info Days organizados pola Comisión Europea. Neles presentáronse as novidades, os principais instrumentos e procesos de financiamento de Horizonte Europa nas distintas temáticas. Pódese acceder ás gravacións desde as seguintes ligazóns:
- Mensaxe de benvida da Comisaria Mariya Gabriel
- Cluster 1- Saúde
- Cluster 2 - Cultura, creatividade e sociedade inclusiva
- Cluster 3 - Seguridade civil para a sociedade - Día 1 | Día 2
- Cluster 4 - Dixital, industria e espazo
- Cluster 5 - Clima, enerxía e mobilidade
- Cluster 6 - Alimentación, bioeconomía, recursos naturais, agricultura e medio ambiente
- Accións Marie Skłodowska-Curie
- Espazo Europeo de Investigación (ERA) & Ampliación
- Infraestruturas de investigación
- EURATOM
- Mensaxe de peche do Director Xeral Jean-Eric Paquet
|
|
|
| Presentacións e vídeo da sesión informativa EU4Health 2021 WP |
|
|
| O 13 de xullo de 2021 tivo lugar unha sesión informativa sobre o primeiro programa de traballo (WP) de EU4 Health. A finais de xuño a Comisión adoptou este WP que establece as prioridades, accións e os recursos para a execución no 2021. O programa EU4Health ten como obxectivo fortalecer a resiliencia dos sistemas sanitarios e promover a innovación médica e a transformación dixital no período 2021-2027. Naceu como resposta á COVID-19 e para garantir que a UE esté preparada se se enfronta a novas ameazas para a saúde. Neste evento presentáronse as subvencións e a contratación pública nas que estará centrada a primeira rolda de convocatorias.
|
|
Info Session (13/07) - Vídeo
Info Session (13/07) - Grants (ppt)
Info Session (13/07) - Procurement (ppt) |
|
| Vídeo e presentacións do Webinar sobre Compra Pública en Horizonte Europa |
|
|
| A Comisión Europea organizou un seminario sobre como preparar unha proposta de Compra Pública Precomercial ou Compra Pública de Solucións Innovadoras en Horizonte Europa. Na seguinte ligazón pódese acceder a toda información do evento (Axenda, presentacións e vídeo), así como a outros enlaces relacionados con esta temática e a outros webinars organizados que tamén poden resultar de interese.
|
|
| Máis información |
|
| A Comisión financia 72 proxectos con 1000 millóns de euros para impulsar a recuperación verde da UE |
|
|
| A Comisión Europea seleccionou 72 proxectos de investigación e innovación para o seu financiamento no marco da convocatoria do Pacto Verde Europeo. Estes proxectos deben contribuír á resposta da UE á crise climática e axudar a protexer a biodiversidade e os ecosistemas únicos de Europa. Espérase que proporcionen solucións tanxibles e visibles que poidan convertir os desafíos ecolóxicos en oportunidades de innovación. Os proxectos involucran a case 1800 participantes da comunidade investigadora, dos sectores público e privado e a organizacións da sociedade civil. A convocatoria, financiada no marco de Horizon 2020, recibiu 1550 propostas elixibles, unha resposta sen precedentes da comunidade investigadora e do sector privado.
|
|
| Máis información |
|
| A UE inviste máis de 310 millóns de euros en investigación para apoiar a sustentabilidade nos sectores agrícola, forestal, mariño e biolóxico |
|
|
| A Comisión Europea seleccionou 44 proxectos para abordar desafíos globais como a seguridade alimentaria e a mitigación do cambio climático. Cunha media de 7 millóns de euros de investimento, os proxectos desenvolverán solucións innovadoras para aumentar o benestar animal e promover unha agricultura rica en biodiversidade, así como alimentos saudables e seguros. Ademais, garantirán a xestión sostible de chans e ecosistemas mariños e o desenvolvemento de aplicacións de microbiomas. Tamén impulsarán a revolución dixital e novas cadeas de valor nas economías rurais. En catro dos proxectos financiados participan entidades galegas: CETMAR (BRIDGE-BS), FEUGA (GEroNIMO), Cetaqua (WalNUT) , Universidade de Vigo e Xera (RESONATE).
|
|
| Máis información |
|
|
|
