O CIFP Ferrolterra de Ferrol e o IES Castro da Uz As Pontes inaguraron hoxe 30 de xaneiro dous novos talleres enfocados a ESO, Bacharelato e a Formación Profesional.  18 alumnos de FP Básica de electricidade do centro ferrolano e 30 alumnos do centro pontés de 1º e 2º do ciclo de FP de Sistemas Microinformáticos e Redes participaron alternativamente nos dous talleres:  En caída. Tecnolab e Cosendo o Futuro. Os e-téxtiles.

No primeiro deles,  En caída, Tecnolab,  o alumnado aproximouse de forma experimentar á telemetría e ao deseño cunha dobre misión:  por unha banda, deseñar un sistema de descenso para un piloto de probas (un ovo) e polo outro, programar un sistema que lles permitira recoller datos mediante telemetría, monitorizando diferentes parámetros do descenso.

No taller denominado Cosendo o futuro. Os e-téxtiles,  o alumnado puido coñecer como hoxe en día estamos rodeados de materiais innovadores, que cada vez se integran máis na nosa vida cotiá. E os tecidos non escapan a esta revolución. Durante o taller recibiron unha formación básica en programación e posteriormente pasaron á fase de deseño, creando unha peza ou complemento que foi integrada nunha placa electrónica programable que reacciona aos estímulos que programados (cambios de intensidade de luz, ruído, movemento…).

Dende o CIS Tecnoloxía e Deseño esperamos que estes talleres representaran unha forma lúdica de aprender novas tecnoloxías que o alumnado poida incorporar de forma novedosa.