O pasado venres 5 de mayo, 18 estudantes do instituto Armando Cotarelo Valledor de Vilagarcía de Arousa do Ciclo Medio de Sistemas Microinformáticos e Redes asistiron ao CIS de Tecnoloxía e Deseño para realizar unha visita ao centro e ampliar os seus coñecementos sobre tecnoloxía. O programa EduTecEmprende ten como finalidade promover o interese dos mozos polas áreas STEM e motivalos a emprender mediante o coñecemento da realidade tecnolóxica e empresarial da nosa contorna na actualidade.
En primeiro lugar, os estudantes tiveron a oportunidade de coñecer a Materioteca de Galicia, que conta con máis de 100 materiais distintos e atópase situada nas instalacións do centro.
En segundo lugar, mostráronselles as diferentes lentes de realidade virtual e aumentada presentes no lugar, así como a diferenza entre ambas. Os visitantes interactuaron con elas a través de diferentes programas tales como un simulador de pintura ou o mantemento dun compresor de aire, entre outros.
Esperamos que aproveitasen a visita e que sexa de utilidade para a súa vida profesional no futuro.
