Hoxe 9 de maio de 2023, 58 alumnos de 5º de Primaria do CPI O Feal de Narón visitaron as nosas instalacións para participar nas actividades D’Tec. Estas actividades, deseñadas no marco do programa D’Tec que a Axencia Galega de Innovación vén desenvolvendo desde 2019, teñen a finalidade de fomentar o interese e as vocacións científico-tecnolóxicas entre os nosos mozos. Nesta ocasión o alumnado participou en dous talleres:

  • Taller D’tec Slime Lab: Partindo da curiosidade e interese que esperta en nenos e nenas o slime, investigáronse as propiedades dos fluídos non newtonianos e buscáronse as mellores fórmulas para obter un resultado “profesional”.
  • Taller D’tec Exploradores virtuais: utilizando distintas ferramentas, os alumnos e alumnas coñeceron de primeira man o potencial das tecnoloxías de Realidade Aumentada e Realidade Virtual.

 

Desde o CIS Tecnoloxía e Deseño esperamos que o alumnado e os seus mestres disfrutasen da mañá!