Loading Events

« All Events

  • This event has passed.

Taller Materiais de orixe vexetal

25/11/2021 10:30 am - 1:30 pm

A Axencia Galega de Innovación, a través da Materioteca de Galicia, celebra o vindeiro 25 de novembro un taller presencial sobre materiais de orixe vexetal.

A inscrición está limitada a un máximo de 30 participantes, co obxectivo de garantir o enfoque práctico de traballo por grupos para explorar novas solucións adaptadas aos principios da economía circular e baseadas no emprego de materiais innovadores constituídos por elementos de procedencia vexetal variada.

O taller, que pecha a programación de eventos de difusión da Materioteca de Galicia para 2021, terá lugar no CIS Tecnoloxía e Deseño (Ferrol), a entidade de referencia do Programa de Deseño para a Innovación e a Sustentabilidade 20214 – DIFERENZA.

Durante o taller será presentado o informe estratéxico sobre materiais innovadores de orixe vexetal elaborado por Materially para a Materioteca de Galicia.

Os expertos desta empresa especializada serán os encargados tamén de presentar unha selección de materiais obtidos a partir das diversas partes de plantas, froitos, árbores e madeiras e dinamizar os grupos de participantes para explorar posibilidades e xerar ideas de aplicación.

Os asistentes terán ocasión de visitar, ademais do fondo de mostras da Materioteca de Galicia, a exposición Arquivo da Matéria Viva (https://www.materioteca.gal/gl/o-cis-tecnoloxia-e-deseno-ten-aberta-ao-publico-unha-exposicion-sobre-a-relacion-entre-os-materiais-e-a-natureza/) que se exhibe durante este mes de novembro no CIS Tecnoloxía e Deseño procendente da localidade portuguesa de Matosinhos, onde se expuxera con motivo da Porto Design Biennale.

 

Details

Date:
25/11/2021
Time:
10:30 am - 1:30 pm
Event Category:

Ubicación

CIS Tecnoloxía e Deseño
A Cabana, s/n
Ferrol, A Coruña, España 15590 España
+ Google Map
Phone:
981 337 133
Website:
http://www.cistecnoloxiaedeseno.gal/

Próximos eventos

Eventos anteriores