DATAS: X de X| x de x| x de s de 2025.
Lugar: CIS GALICIA. A Cabana s/n. 15590 Ferrol.
NIVEL EDUCATIVO: 1º – 4º Educación Secundaria Obrigatoria.
Horario: 10:00 – 13:30 h.
Prazas: 60 estudantes.
A Dirección Xeral de Planificación Enerxética e Minas, a través do CIS GALICIA, organiza novas actividades educativas e de comunicación científica ligadas á enerxía.
Nesta actividade propoñemos unha mañá adicada a experimentar e reflexionar arredor da enerxía, a súa xeración, usos e impacto no noso día a día. O alumnado participará en dinámicas prácticas e demostracións, traballando de forma activa nos dous talleres.
Para cada taller organízanse dúas sesións de maneira que o alumnado poidan participar en ámbalas propostas. En cada sesión participarán un máximo de 30 estudantes.
TALLER “MUNDOS ELÉCTRICOS”
A nosa sociedade depende en gran medida da electricidade. Para satisfacer as necesidades de consumo, precisamos xerar e transformar unha gran cantidade de enerxía. Neste taller exploraremos os conceptos fundamentais ligados á electricidade a través de experiencias prácticas e construción de dispositivos sinxelos.
Contidos
- Introdución á electricidade
- Que é a electricidade?
- Natureza da carga eléctrica: protóns e electróns.
- Lei de Coulomb: atracción e repulsión entre cargas.
- Electricidade estática e corrente eléctrica.
- Magnitudes fundamentais: intensidade, voltaxe e resistencia.
- Demostración práctica cun xerador Van de Graaff.
- Materiais condutores e illantes
- Estrutura atómica e mobilidade de electróns.
- Experiencias con metais, plásticos, solucións salinas, auga destilada, carbono, etc.
- Creación de circuítos eléctricos con cinta condutiva
- Elementos dun circuíto: xeradores, receptores, condutores, interruptores, resistencias.
- Construción de circuítos con cinta de cobre, pilas, cables e LEDs.
- Lei de Ohm e comprobación experimental cun multímetro.
- Circuítos en serie e paralelo.
- Electricidade e magnetismo
- Relación entre electricidade e movemento.
- Construción de motores homopolares e probas de funcionamento.
- Reto final: máquina garabateadora
- Construción de máquinas autónomas con materiais de reciclaxe.
- Competición en dúas categorías: distancia percorrida e trazado de circunferencias.
TALLER “DESCUBRINDO AS ENERXÍAS RENOVABLES”
O consumo enerxético global segue aumentando, facendo insostible o actual modelo baseado en combustibles fósiles. Este taller aborda a enerxía desde unha perspectiva física, explorando diferentes fontes de xeración, con especial atención ás renovables e ao papel de Galicia neste sector.
Contidos
- Definindo a enerxía
- Concepto físico de enerxía e comprensión a través de experiencias prácticas.
- Fontes de enerxía
- Enerxías fósiles: características e inconvenientes.
- Enerxías renovables: vantaxes e limitacións.
- O papel de Galicia nas renovables, en especial no ámbito eólico.
- Experimentando con enerxías renovables
- Construción dun circuíto simple alimentado con placas solares.
- Análise das súas vantaxes e limitacións.
- Montaxe dun coche a escala alimentado cunha célula de hidróxeno.
- Reto: construción dun xoguete iluminado mediante enerxía eólica
- Creación dun xoguete que obteña a enerxía necesaria para iluminarse a partir dun sistema de xeración baseado no vento.
