CIS Tecnoloxía e Deseño

O CIS Tecnoloxía e Deseño é un organismo público pertencente á Axencia Galega de Innovación da Vicepresidencia Primeira e Consellería de Economía, Industria e Innovación, e orientado tanto a empresas coma a entidades do ecosistema galego de I+D+i.
O noso labor consiste en ser impulsores da innovación para xerar valor económico, social e sostible.
Dende o CIS Tecnoloxía e Deseño apostamos polo deseño e a innovación como elementos clave na mellora da competitividade do tecido industrial galego.

INNOVAR É CRECER

Valores

Icono Compromiso

Compromiso

O noso maior compromiso é a túa idea, o teu proxecto. Comprometémonos a implicarnos na túa iniciativa e apoiámoste tanto no seu desenvolvemento coma na súa implantación.
Icono Bombilla

Coñecemento

O noso equipo humano achega amplos coñecementos, manexa tecnoloxías de última xeración e está en constante aprendizaxe para ofrecer o mellor soporte no desenvolvemento e implantación do teu proxecto.
CIS_ICON_19

Resultados

Investimos en ampliar o noso coñecemento para estarmos sempre á vangarda das tecnoloxías máis innovadoras e poder transferilas ao ecosistema galego de innovación.
Background

Indicadores Anuais

Icono de proyectos

7

Proxectos nacionais e europeos.

Icono de difusión

+1.100

Participantes en actividades de difusión e formación.

Icono Manos

+100

Colaboracións con entidades públicas, privadas e empresas.

Icono de difusión, formación y gestión proyectos

40

Accións de difusión, formación e xestión de proxectos promovidas.

Icono de Entidades asesoradas

100

Entidades públicas, privadas e empresas asesoradas.

Icono Café

+1.000

Cafés tomados – e subindo –

Cómo colaboramos

Proyectos nacionales y europeos

Participamos como socios ou como líderes en colaboración con entidades, organismos de investigación, asociacións ou empresas no desenvolvemento de proxectos de I+D+i con financiamento público nacional ou europeo.

Proyectos nacionales y europeos

Proporcionamos servizos personalizados de apoio á innovación tecnolóxica en función da demanda do tecido empresarial galego.
Background

Opinións

Icono Tecnologia

Cooperativa

Silvia Iglesias e Sara Carrasco, integrantes da cooperativa 13 GRADOS e impulsoras do proxecto de emprendemento SUBGO
“Grazas á participación no Proxecto Sherpa do Mar, o pasado mércores 17 de novembro visitamos as instalacións do CIS para disfrutar dun percorrido no que coñecer parte do traballo que realizan no ámbito da Realidade Virtual. Desde aplicacións ata visualizar no ordenador experiencias de inmersión mediante o uso de lentes de Realidade Virtual e instalacións especialmente deseñadas para eles, tivemos a sorte de probar algúns dos traballos alí desenvolvidos, que non deixarían indiferente a ninguén.Experiencias cun nivel de realismo incrible nas que comprobamos as enormes posibilidades que esta tecnoloxía pode ofrecer a proxectos como o noso, permitindo simular, incluso, a sensación de mergullarse no mar.Unha liña de traballo que abre as portas ao deseño de visitas virtuais para visitar e coñecer as profundidades submarinas dun xeito diferente e innovador, mergullando de cheo os nosos sentidos neste ambiente, ou a recreación de fenómenos que teñen lugar baixo o mar e que sería imposible mostrar en primeira persoa doutro xeito. Unha visita que nos deu moitas ideas para achegar o medio mariño ao público ao tempo que gozamos dunha experiencia diferente e única.”
cis-icono-profesora

Profesora

Luisa Areán. Profesora de Formación e Orientación Laboral do IES Aller Ulloa
“Pareceume unha visita moi interesante é motivante para os meus alumnos de ciclos de informática. Como profesora de Formación e Orientación Laboral, os meus obxectivos, á hora de solicitar a visita, eran 2: un deles, mostrarlle unha posible liña de formación e especialización profesional; o outro, que tivesen contacto co traballo en I+D+I que se desenvolve no CIS, para que valorasen a súa importancia de cara ao mellor posicionamento das empresas galegas nun mercado cada vez máis global e esixente. Creo que os dous obxectivos se conseguiron, xa que algúns deles remataron a visita coas gañas de facer algunha das formacións que ofrece o CIS para aprender a traballar coas aplicacións que se usan na realidade virtual e a realidade aumentada. Por outro lado tocoulles a fibra, xa que a maioría son moi afeizoados aos videoxogos e identificaron nestes xogos, moitas das técnicas presentadas na visita.
Icono CIS

Alumno

Javi C., de 6.º de Primaria, participou no programa D´tec para o fomento das vocacións científico-tecnolóxicas
“Puiden coñecer o CIS Tecnoloxía e Deseño porque me levaron nunha visita do meu colexio, o Cruceiro de Canido de Ferrol. Fixemos moitas actividades divertidas sobre Bioloxía (eu chamáballe Ciencias Naturais) e vimos que é moi interesante coñecer cousas novas sobre ciencia e tecnoloxía. Ademais, vimos que no edificio hai unha chea de aulas e tamén laboratorios de realidade virtual e aumentada. Se antes me gustaba a Bioloxía, porque quero ser biólogo mariño, agora aínda máis!”
Icono Diseño

Colaborador

David Barro, colabora no Programa de Diseño para la Innovación 2020
“O Programa de Diseño para la Innovación 2020 da Axencia Galega de Innovación ten como obxectivo mellorar a produtividade e a competitividade das empresas galegas e, neste sentido, o CIS Tecnoloxía e Deseño sobresae como unha localización idónea para concentrar o sector do deseño, levando a cabo os seus principais encontros estratéxicos e actividades con éxito grazas á versatilidade das súas instalacións e do seu equipo especializado.”
CIS_ICON_19

Empresa

BETANZOS HB S.L., partícipe da Materioteca de Galicia
“Participar na Materioteca do CIS Tecnoloxía e Deseño supuxo un impulso importante para o noso produto. Malia ser un material tradicional, as circunstancias actuais do mercado convertérono nun material innovador: sostible, fabricado a partir de subprodutos, natural, reciclable e 100 % biodegradable. Foi unha sorte atopar no CIS un equipo de persoas coa mente aberta para consideralo deste xeito e con visión abonda como para ver nel unha fonte de inspiración para deseñadores. Con este equipo embaixador, os froitos non tardaron en chegar: colaboramos cunha empresa francesa pioneira en moldeado á procura de materiais sostibles, e, logo de que validase o noso material, e aproveitando a súa flexibilidade e resistencia, atopamos aplicacións completamente innovadoras para o noso produto a través do deseño, dende embalaxe de cosméticos ata maletas!”
Icono Tecnologia

Centro Tecnolóxico

INSTITUTO DE ENGENHARIA DE SISTEMAS E COMPUTADORES, TECNOLOGIA E CIÊNCIA (INES TEC) de Portugal, socio en proxectos de I+D+i
“Como socios dende hai anos en varios proxectos interregionales Galicia – Norte de Portugal, dende INESCTEC sempre atopamos un aliado no CIS Tecnoloxía e Deseño e no seu equipo de profesionais técnicos e de xestión.”
cis-icono-alumno

Usuario

ASOCIACIÓN DE INDUSTRIAIS METALÚRXICOS DE GALICIA (ASIME), usuario de instalacións
“As magníficas instalacións coas que conta o CIS Tecnoloxía e Deseño levounos a repetir a organización do noso congreso anual en Ferrol. Tanto as instalacións coma o persoal de apoio garantízanos o éxito do evento.”
cis-icono-profesora

Profesora

Teresa Vispalia Blanco. Xefa do departamento de tecnoloxía do CPI San Sadurniño. Programou para o seu alumnado a asistencia aos talleres do programa D´tec para o fomento das vocacións científico-tecnolóxicas
“Neste curso académico, levei ao meu alumnado de tecnoloxía ao CIS Tecnoloxía e Deseño en dúas ocasións para asistiren a diferentes obradoiros. Mostráronse moi participativos á hora de investigar as novas tecnoloxías dun xeito práctico e ameno, pois as explicacións tan dinámicas que tiveron espertaron a súa curiosidade pola ciencia, e o uso de diferentes ferramentas fixo que descubrisen o vasto e importante abano de posibilidades que teñen estes eidos na sociedade.
É un luxo contar cun centro deste tipo tan preto do noso colexio.