No marco do proxecto desenvolveuse un software de realidade virtual que permitiu analizar o comportamento do condutor ante diferentes situacións de risco relacionadas co vehículo autónomo.

Para cumprir este obxectivo foi preciso desenvolver un simulador que replicase o comportamento do vehículo autónomo utilizando tanto elementos virtuais (contorna, vehículo, vehículos externos, etc.) coma reais (asento, volante, etc.).

O sistema que se escolleu para o desenvolvemento da simulación foi a través da Cave Automatic Virtual Environment (CAVE) do CIS Tecnoloxía e Deseño, o que propiciou unha maior sensación de inmersión e de aproximación á realidade.

A fin de validar a utilidade do desenvolvemento, 24 voluntarios ensaiaron durante unha semana o sistema para estudar o seu comportamento ante diferentes situacións de emerxencia.