Este verán, o CIS Tecnoloxía e Deseño organiza un novo campamento científico-tecnolóxico para estudantes de ensinanza secundaria obrigatoria  ao redor dos eidos do deseño e a tecnoloxía.

O campamento celebrarase do 17 ao 21 de xullo de 2023, en horario de 10.00 a 14.00 horas.

Os participantes, agrupados por niveis de idade, gozarán de actividades prácticas que lles permitirán aumentar as súas destrezas e coñecementos científico tecnolóxicos. Realizarán un amplo abano de actividades, que irán desde o desenvolvemento de contidos de Realidade Aumentada e Virtual ata un bautismo de voo con drons, a creación de software ou a fabricación de materiais innovadores.

Durante toda a semana, un equipo de docentes expertos en educación CTIM (Ciencia Tecnoloxía, Enxeñería e Matemáticas) acompañará aos mozos e mozas, adaptando os contidos aos coñecementos previos dos participantes e fomentando neles o interese pola Ciencia e a Tecnoloxía.

O campamento é gratuíto, e conta cunha oferta de corenta prazas, que se asignarán por orde de inscrición.

Actividades

• Retos STEAM: Actividade centrada na resolución cooperativa dun problema.
• Deseño e impresión 3D: Iniciación a impresión 3D e ao deseño de prototipos. Traballarase co programa Tinkercad desenvolvendo diseños que posteriormente serán impresos en 3D.
• Iniciación á aeronáutica. Drons. Manexo de dispositivos UAV e realización de modificiacións para adaptalos a unha misión.
• Explorando os materiais. Desenvolvemento de diferentes polímeros e análisis das súas propiedades.
• Programado con Microbit/Arduino. Levaranse a cabo diferentes actividades para iniciar aos participantes na programación a través de retos.
• Curtametraxe en stop motion. Iniciación á creación de contidos audiovisuais a través dun proxecto de animación.
• Robótica con Mbot. Actividade centrada na programación de robots. Realizaranse distintas actividades, que irán desde retos de programación á preparación dun robot para participar en combates de sumo robótico.
• Creación de contidos AR con Cospaces. Cospaces é unha plataforma en liña de programación que permite a creación de contidos de Realidade Aumentada (AR) e Virtual (VR) de forma moi simple e atractiva.
• Explorando a intelixencia artificial. Aproximación práctica ao campo da intelixencia artificial, utilizando ferramentas como Teachable Machine, Chat GPT ou Dall-e.

Data límite de inscrición: 7 de xullo de 2023.

PROGRAMA PREVISTO

GRUPO A – 1º e 2º ESO

GRUPO B- 3º e 4º ESO