O pasado 11 de marzo tiveron lugar de forma online as primeiras sesións de presentación dos proxectos escolares “Creación de mundos AR e VR” e “Redeseñando o mundo”. Estes dous proxectos escolares encadrados no programa D´Tec de fomento das vocacións científico tecnolóxicas entre a xuventude, teñen por obxectivo achegar á comunidade educativa ás novas tecnoloxías, ofrecendo ao profesorado ferramentas didácticas innovadoras. Nestes proxectos participarán máis de 600 estudantes e 27 docentes de 16 centros educativos de Galicia.
En concreto, no proxecto escolar “Creación de mundos AR e VR” destinado a alumnos de 5º e 6º de primaria, participarán 14 profesores de 8 centros educativos: CEIP Plurilingüe Eladia Mariño (Cabanas), CPR San Rosendo (Ferrol), CPR Plurilingüe Valle Inclán 1 (Ferrol), CEIP Plurilingüe do Camiño Inglés (Sigüeiro), Colexio Eduardo Pondal S.C.G (Cangas), CEIP de Sobrada (Tomiño), Colegio Internacional SEK Atlántico (Poio), CEIP Vicente Risco (Vigo).
En canto ao proxecto escolar “Redeseñando o mundo”, destinado a alumnos de ESO e bacharelato, participarán 13 docentes de 9 centros educativos: IES Eusebio da Guarda (A Coruña), CPI A Xunqueira (Fene), IES Punta Candieira (Cedeira), IES AS MARIÑAS (Betanzos), IES SAN ROSENDO (Mondoñedo), IES As Barxas (Moaña), Colegio Internacional SEK Atlántico (Poio), IES de Teis (Vigo), IES Valadares (Vigo) .
