O pasado martes 19 de abril tivo lugar unha xornada informativa en liña, enmarcada no ciclo de Encontros de Tecnoloxías Innovadoras promovido polo CIS Tecnoloxía e Deseño dende 2021, na que se informou a máis de 20 entidades sobre como desenvolver o traballo na nube ( Oncloud).

Pablo Rivera, conselleiro delegado de 2Ksystemas, e Rafael Villaverde, presidente de Cloud.gal, ambas empresas galegas, foron os relatores.

Os participantes puideron achegarse aos distintos tipos de traballo Oncloud, ás distintas capacidades dos sistemas remotos, ás responsabilidades de cada unha das partes e ás indubidables vantaxes destas tecnoloxías.