O CIS Tecnoloxía e Deseño ven de colaborar co Servizo de Oftalmoloxía do CHUF –Complexo Hospitalario Universitario de Ferrol- nun proxecto para o desenvolvemento dun sistema de retinografía móbil.
O CIS Tecnoloxía e Deseño participou na definición final do deseño, na elaboración do prototipo mediante a utilización de tecnoloxías de impresión 3D, no ensaio e na elaboración do produto final. A particularidade máis destacable deste proxecto é que a toma de fotografías oculares realízase cun teléfono móbil. Este equipo de retinografía móbil, de baixo custo, permite a súa implantación naqueles centros onde non é posible dispoñer dun equipo estándar, cuxo custo é moi elevado.
O CIS Tecnoloxía e Deseño, dependente da Axencia Galega de Innovación ( GAIN), conta con máis de 25 anos de experiencia no deseño 3D e na fabricación de prototipos rápidos.