Hoxe a Axencia Galega de Innovación súmase á celebración do Día da Muller e a Nena na Ciencia, organizando un espectáculo científico centrado na importancia das mulleres científicas e tecnólogas ao longo da historia.
A charla, conducida polos divulgadores Iria Ollero e David Ballesteros, na que participaron case 170 estudantes de 6 centros educativos da comarca acompañados polo seu profesorado, permitiu que o xoven público puidera aproximarse dun xeito atractivo a grandes mulleres que fixeron importantes achegas científicas e nunca recibiron o recoñecemento social que merecían como Hipatia de Alexandría, Marie Anne Pierrette ou Rosalind Franklin entre outras.
Durante o evento, combináronse datos biográficos e anécdotas vitais con experimentos rechamantes inspirados nas científicas presentadas.
A actividade intégrase no programa D’tec de fomento das vocacións científico-tecnolóxicas, que se desenvolve todo o ano no CIS Tecnoloxía e Deseño de Ferrol.