Nesta semana, no CIS Tecnoloxía e Deseño tiveron lugar os primeiros talleres DTEC dirixidos a alumnado de 5º e 6º de primaria para o fomento das vocacións científico- tecnolóxicas.

O dia 21 de marzo 42 escolares de 5º de primaria do CPR Santiago Apóstol de Narón participaron durante toda a mañá en dous talleres: Taller D’tec Slime Lab e Taller D’tec Exploradores virtuais: No primeiro deles, e utilizando o slime como fío conductor, investigaron as propiedades dos fluídos non newtonianos e buscaron as mellores fórmulas para obter un resultado “case profesional”. No segundo taller, e utilizando distintas ferramentas, o alumnado do colexio naronés puido coñecer  de primeira man o potencial das tecnoloxías de Realidade Aumentada e Realidade Virtual.

O día 23 de marzo acompañáronnos no CIS  Tecnoloxía e Deseño 51 alumnos do CEIP Pluriligüe Alborada de A Coruña para realizar os mesmos dous talleres.  No taller Taller D’tec Slime Lab puidemos ver cómo o alumnado disfrutaba manexando o slime e manipulandoo para detectar as súas características e propiedades.  No taller de Exploradores Virtuais, os rapaces do colexio Alborada mostraron o seu interese nas tecnoloxías RA e RV e nas súas aplicacións.

Gracias ao alumnado e aos seus profesores por acompañarnos!