O CIS de Tecnoloxía e Deseño recibiu o pasado 3 de marzo a estudantes do CIFP Politécnico de Lugo co fin de mostrarlles os diferentes atractivos que alí se aloxan.
En primeiro lugar, o alumnado tivo a oportunidade de coñecer os máis de 100 materiais situados na Materioteca de Galicia a través dunha visita e dunha explicación detallada sobre ela.
En segundo lugar, os empregados do CIS ensinaron aos mozos as diversas aplicacións que teñen as lentes de realidade virtual e aumentada, mediante diversos programas como un simulador de pintura ou un compresor de aire.
Desde o equipo do CIS esperamos que a visita servise de utilidade para ampliar o coñecemento dos estudantes e que poidan aplicar o aprendido no seu futuro académico e profesional.
