O pasado venres 14 de maio tivo lugar a última visita virtual ao CIS Tecnoloxía e Deseño no marco do programa EduTecEmprende. Vinte alumnos do IES Aller Ulloa (Lalín), xunto coa súa profesora, participaron nesta visita virtual. Durante a visita os estudantes tiveron a oportunidade de coñecer as principais actividades e proxectos que se veñen desenvolvendo no centro en áreas como a industria dixital, o deseño e os materiais.

O CIS Tecnoloxía e Deseño colabora coa Consellería de Cultura, Educación e Universidade no programa EduTecEmprende cuxo obxectivo é motivar e sensibilizar o alumnado no espírito emprendedor a través do coñecemento da realidade empresarial e tecnolóxica da súa contorna, así como promover a súa achega ás áreas STEM.

Con esta visita péchase o ciclo de visitas EduTecEmprende previstas para o curso 2020-2021.