O pasado luns 6 de maio, 20 estudantes do IES Manuel Chamoso Lamas do Carballiño, do Ciclo Medio de Xestión Administrativa e Ciclo Superior de Administración e Finanzas asistiron ao CIS de Tecnoloxía e Deseño, co fin de realizar unha visita ao centro e ampliar os seus coñecementos sobre tecnoloxía. Esta visita está encadrada no programa EduTecEmprende que ten como finalidade promover o interese dos mozos polas áreas STEM e motivalos a emprender mediante o coñecemento da realidade tecnolóxica e empresarial da nosa contorna na actualidade.

Durante a visita, o alumnado puido experiementar en primeira persoa condistintos dispositivos de realidade virtual como HTC Vive, Oculus Rift, Google Cardboard entre outros, de realidade aumentada con dispositivos móbiles orientada ao mantemento de equipos industriais e márketing, coñecendo ademáis un simulador de pintura e vernizado desenvolvido no centro así como coñecer os materiais arquivados na Materioteca de Galicia.

Finalmente, visitaron o “Centro de Experiencias Dixitais” do CESENA, o Centro de Excelencia do Sector Naval de Siemens. Este espazo conta con diferentes equipos de Realidade Virtual a través dos cales se pode comprobar de forma inmersiva o deseño dun buque, a simulación da súa construción ou a formación de operarios en diferentes tarefas de fabricación ou de mantemento de buques.

Esperamos que esta visita de alumnos e docentos do Carballiño resultara de interes cumprindo as súas expectativas. Desde o CIS Tecnoloxía e Deseño desexamos que as actividades propostas representen unha forma amena de introducir estas novas tecnoloxías e aprendizaxes na súa vida académica e persoal.