O CIS Tecnoloxía e Deseño organiza un novo campamento científico – tecnolóxico para estudantes de secundaria centrado na innovación, a ciencia e o deseño.

O campamento celebrarase do 26 ao 29 de decembro de 2023, en horario de 10:00 a 14:00 horas.

Os participantes, agrupados por niveis de idade, realizarán un amplo abanico de actividades, que incluirán programación, iniciación no uso de Intelixencia Artificial xenerativa e construción de diversos dispositivos. Disfrutarán de actividades prácticas que lles permitirán aumentar as súas destrezas e coñecementos científico-tecnolóxicos.

Durante as catro xornadas, un equipo de docentes expertos en educación CTIM (Ciencia Tecnoloxía, Enxeñería e Matemáticas) acompañará aos alumnos e a alumnas, adaptando os contidos aos coñecementos previos dos participantes e fomentando neles o interese pola Ciencia e a Tecnoloxía.

O campamento é gratuíto, e conta cunha oferta de corenta prazas, que se asignarán por orde de inscrición.

Actividades

• Retos STEAM: Actividade centrada na resolución cooperativa dun problema, que se presenta no momento de inicio da actividade.
• Programado con Microbit. Levarán a cabo diferentes actividades que permitirán iniciar aos participantes na programación.
• Árbore de Nadal científico. Deseño e construción de estruturas en equilibrio de temática ligada ao Nadal.
• Robótica con Mbot. Actividade centrada na programación de robots. Realizaranse actividades, que incluirán diversos retos de programación.
• Construción de autómatas. Deseño e creación de autómatas básicos utilizando materiais reciclados.
• Creación de postais do Nadal con luz. Iniciación á electricidade coa creación de postais con luz led.
• Programación de xogos en Scratch. Iniciación á programación con bloques de xogos na contorna Scratch.
• Construción de scribbling machines. Deseño e construción de máquinas garabateadoras que deberán ter unhas especificacións establecidas polos docentes.
• Stop motion. Creación dun vídeo do Nadal utilizando técnicas de Stop Motion.
• Iniciación a App Inventor. Programación dunha aplicación básica para dispositivos Android mediante bloques.
• Química recreativa. Iniciación á química e creación de agasallos de Nadal “científicos”. Creación de chaveiros con plásticos termomoldeables e fabricación de bombas de baño.
• Cine científico. Durante a última xornada, os participantes gozarán dunha sesión de cine na que tras o visionado dunha película asistirán a un show sobre os contidos da mesma.

Data límite de inscrición: 21 de decembro de 2023.

PROGRAMA PREVISTO

GRUPO A – 1º e 2º ESO

GRUPO B – 3º e 4º ESO