Xornada Online: Eleva a túa vixilancia e intelixencia estratéxica con ferramentas avanzadas

O CIS Tecnoloxía e Deseño da Axencia Galega de Innovación (GAIN), dentro das súas actividades enmarcadas na rede Enterprise Europe Network, organiza o Ciclo Formativo sobre Vixilancia Tecnolóxica 2023, que ten como obxectivo axudar ás empresas galegas a adaptarse ao novo contexto empresarial, un escenario altamente competitivo e en constante cambio. Este obradoiro estará adicado aos recursos e ferramentas de soporte á Vixilancia e Intelixencia Estratéxica.

Hoxe en día é fundamental captar, procesar e transformar en coñecemento útil a gran cantidade de datos e información dispoñible para a toma de decisións dentro dunha organización ou institución, para iso, as ferramentas de vixilancia tecnolóxica son un instrumento imprescindible. Este obradoiro ofrecerá aos asistentes a oportunidade de coñecer os recursos e ferramentas que existen para dar soporte ao ciclo de vixilancia, á vez que lles achegará os criterios necesarios para poder elixir os máis adecuados en cada caso.

A xornada será impartida pola relatora ANGÉLICA LÓPEZ, coordinadora de servizos de Intelixencia Competitiva en TECNALIA Research & Innovation. Nesta posición, coordina actividades e xestiona proxectos para empresas e entidades de innovación, tanto a nivel rexional e nacional como europeo. Traballa no ámbito da vixilancia, a análise de tendencias tecnolóxicas e de mercado, o desenvolvemento de observatorios tecnolóxicos ou a definición e despregamento de unidades de vixilancia e procesos de VIE. Ademais, ten unha ampla traxectoria como formadora no ámbito da VIE para institucións públicas e empresas privadas.

Programa

• 9:20 – 9:30h Presentación a cargo de María José Mariño Fontenla, Directora de Área de Centros de GAIN
• 9:30 – 11:50h Xornada

• Recursos e ferramentas para a definición do proceso de vixilancia e intelixencia estratéxica

• • Importancia das ferramentas e recursos na vixilancia e intelixencia estratéxica
  • Ferramentas para a definición das necesidades de información
  • Ferramentas de soporte para a definición do plan de vixilancia e de produtos VIE

• Recursos e ferramentas de soporte ao ciclo de vixilancia e intelixencia estratéxica

• • Visión xeral do ciclo de vixilancia e intelixencia estratéxica
  • Ferramentas para a obtención de información de distintos tipos de fontes de información (formais/informais, virtuais-presenciais)
  • Ferramentas para o tratamento de información
  • Ferramentas para a difusión de resultados
  • Ferramentas para a explotación de resultados
  • Ferramentas globais de soporte á actividade de VIE

• Exemplos de utilización de ferramentas

• • • Google Alerts para a detección de novidades
    • Google news
    • Google Schoolar
    • Creación de alertas de patentes con Espacenet
    • Lectores RSS – Outlook
    • Monitorización de redes sociais
    • Feedly para a agregación de contidos e noticias

• 11:50 – 12:00h Rogos e preguntas

Prazas limitadas

Formulario de inscrición

Programa en pdf